O Mecalia Atlético Guardés, a través da plataforma Dropbox, está realizando o teletraballo durante o situación provocada pola crise de coronavirus. De momento, o estado de alarma en España está decretado ata o 29 de marzo e antes de que sucedera este imprevisto, a competición da Liga Guerreras Iberdrola de balonmán tiña un parón ata o 4 de abril.
O corpo técnico do equipo guardés marcoulles obxectivos as xogadoras. “Intentar que a forza empeore o menos posible, manter a motivación e vixilar a prevención”. O preparador físico, Fabio Lima, encárgase de executar cunha dosis extra de imaxinación.
Fabio Lima, preparador físico do Atlético Guardés: “Intentar que a forza empeore o menos posible, manter a motivación e vixilar a prevención”.
https://twitter.com/Atlguardes_ofic/status/1240253016814559233
“O primeiro que temos que ter en conta é o material que cada unha das xogadoras pode dispoñer na casa”, apunta Lima. A mecánica de teletraballo é a seguinte: “No Dropbox compartimos un documento coa sesión de cada día, que inclúe activación e unha parte principal”, explica.
Fabio Lima, preparador físico do Atlético Guardés: “O primeiro que temos que ter en conta é o material que cada unha das xogadoras pode dispoñer na casa”.
Ese material compleméntase cun vídeo grabado por o preparador coa a execución do exercicio para destacar consellos de como facelos e mentalizarnos de forma preventiva. Ademais, súbese á nube documentación a maiores para facer traballo extre con TRX, gomas e demais material deportivo.
Para Lima a proposta é clara: “Ante esta situación excepcional temos que botarlle máis imaxinación que nunca, reinvertarnos e apelar ao enxeño”. Mochilas cargadas de libros ou garrafas de auga substitúen estes días a discos e mancuernas. Con esta adaptación o que se busca é “que a forza empeore o menos posible”.
https://twitter.com/IberdrolaDHF/status/1240352270044106752
Fabio Lima, preparador físico do Atlético Guardés: “Ante esta situación excepcional temos que botarlle máis imaxinación que nunca, reinvertarnos e apelar ao enxeño”
As xogadoras continúan traballando a parte cardiovascular con exercicios máis dinámicos, circuítos, HIIT… O máis difícil: manter a motivación nun escenario tan incerto para deportistas con fame de competición.
Tampouco a base escápase a este traballo en casa. Sesións de traballo máis sinxelas compleméntanse con divertidos retos. “Por exemplo, as infantís xa fixeron un concurso de burpees, así que a idea é ir puntuando segundo a súa participación e resultados e as tres primeiras na clasificación terán algún tipo de recompensa”. Enxeño por todas partes para soportar dúas semanas en casa.
Fabio Lima, preparador físico do Atlético Guardés: “Por exemplo, as infantís xa fixeron un concurso de burpees, así que a idea é ir puntuando segundo a súa participación e resultados e as tres primeiras na clasificación terán algún tipo de recompensa”.
