Estamos na recta final de diferentes competicións e se suceden as novas como a que esta semana nos dá o Ulla Oil Rosalía que ven de asinar a súa permanencia matemática na categoría antes de rematar a competición. O vindeiro curso, as xogadoras que adestra Chiqui Barros seguirán a competir na Liga Feminina 2.
A falta dunha última xornada na LF2 as de Compostela ocupan a penúltima praza no grupo A e pese a que esta xornada caeron derrotadas en terras navarras, seguirán na categoría de prata do baloncesto español o vindeiro curso. Ante o Osés Construccion Ardoi o Ulla Oil Rosalía perdía por 76-50.
As galegas pagaron as consecuencias dun primer cuarto no que as locais se puxeron por diante cun parcial de 27-19. No segundo, cunha anotación moito máis baixa por ambas escuadras, o balance foi de 14-14 colocando o partido ao descanso en 41-33.
Á volta de vestiarios o Ulla Oil Rosalía non amosou a súa mellor cara e o cuarto quedou en 16-6 o que afundía máis as galegas no marcador electrónico que reflectía un 57-39.
No último cuarto as galegas axustaron un pouco máis o tanteo pero tamén quedaron por detrás no luminso. Finalizaron os dez minutos oito puntos por debaixo cun 19-11 que non alcanzou a maquillar o resultado final de 76-50 que, con todo, non amarga o doce balanzo do global da tempada.
Neste cruce a MVP foi a local Josephine de Barros Filipe con un 28 de puntuación, sendo ademais a máxima anotadora do partido con 24 puntos no seu haber e asinar nada menos que cinco canastras triplas. Por parte galega a xogadora máis valorada foi Sara Corredoira con 21, foi tamén a que máis anotou para o Ulla Oil Rosalía con 22 puntos.
O último encontro das compostelás será na súa cancha, así que poderán festexar coa súa afición no instituto santiagués o feito de manterse na segunda categoría do baloncesto feminino da FEB.
FINAL DEL PARTIDO
Osés Construcción @FNBardoi 7⃣6⃣
Ulla Oil @RosaliaFEDESA 5⃣0⃣#VamosRosa #LF2 #NON@deporte_galego @dxtSan @SomosABANCA @FGB_Baloncesto @CompeticionFEB @Depucoruna @PazodeRaxoi @Xunta pic.twitter.com/15nHy75rcP— Rosalia Fedesa (@RosaliaFEDESA) March 20, 2021
O club felicita ao bloque da LFS do Rosalía por acadar ao “obxectivo”
Desde o club lles trasladaban a noraboa por conseguir acadar o obxectivo da permanencia “fixado a principio da tempada, a base de traballo e esforzo”. Destacaban desde o club galego que se trata do equipo “máis novo da categoría capitaneado con maestría polo seu adestrador Antonio Chiqui Barros, coa axuda de Jesús Montero, Jorge Varela e Vero González, foi quen de ser o faro que alumea o noso camiño, o noso proxecto de baloncesto feminino para Santiago de Compostela, para Galicia”.
Na súa mensaxe de parabéns publicada na web do club, a entidade manifestaba que tocaba gozar “do último encontro na casa na compaña dun público que este ano vos animou desde a casa e está desexando voltar á grada do Instituto a vibrar con vos. Gracias a institucións, patrocinadores e colaboradores. Empezamos a traballar xa para voltar o ano que ven a disfrutar de basket de calidade en Compostela”, anunciaba a entidade deportiva.
FICHA TÉCNICA
76) OSÉS CONSTRUCCIÓN ARDOI: Paula Marcos (3), Diana Cabrera (10), Iranzu Echeverría (15), Itziar Arregui (-), e Josephine de Barros (24) – quinteto inicial -. Tamén xogaron: Eva Cases (11), Tamara Montero (9), Andrea Vázquez (4) e Raquel Navarro (-).
50) ULLA OIL ROSALÍA: Carla García (2), Sara Corredoira (22), Ángela González (6), Sarai Carro (5) e Leticia Soares (6) – quinteto inicial -. Tamén xogaron: Ana de Matías (-), Paula Rivas (-), Nuria Choren (-), Laura Golpe (-), Clara Riera (5), Nerea Liste (2) e Blanca Manivesa (2).
PARCIAIS: 27-19, 14-14, 16-6 e 19-11.
ÁRBITROS: María Teresa Gutiérrez e Pablo Mirantes Ibabe. Eliminaron por cinco faltas á xogadora visitante Leticia Soares. Tamén foi expulsado o entrenador Chiqui Barros por dobre técnica.
INCIDENCIAS: Partido correspondente á 25ª xornada da Liga Feminina 2 da FEB disputado no Pavillón Polideportivo Municipal Zizur Mayor en Navarra.
