As Guerreiras Laranxas reciben mañá ao novel Xaloc Alacant en Vista Alegre para celebrar o Entroido coa xornada 21 (18.30 horas). Desde a segunda praza (55 puntos), o Pescados Rubén Burela FS medirase a un rival ao que lle está custando adaptarse a elite e que pecha a táboa, con 3 puntos.
“O equipo ten ganas de facer un bo partido en Vista Alegre. Vimos dunha excelente saída e despois do partido de Copa -un pouco máis escuro-, a semana pasada en Leganés a imaxe foi diferente, cumprindo con todo o que nos pedía o míster”, explicaba así Cristina as sensacións do vestirario laranxa tras o triunfo 2-6, con firma de dobre diana da murciana.
Cristina, xogadora do Burela: “O equipo ten ganas de facer un bo partido en Vista Alegre. Vimos dunha excelente saída e a semana pasada en Leganés a imaxe foi diferente, cumprindo con todo o que nos pedía o míster”.
“Temos confianza e ganas de dar un bo espectáculo na casa. Non creo que Xaloc nos vaia a poñer as cousas tan doadas como pode indicar a clasificación. É un equipo que na casa ten marcadores axustados e vén de perder 2-3 con Zaragoza. Na súa última saída, a Roldán, perdeu só de 2 goles”, advertía a 5 burelista, recoñecendo o bo traballo da semana para que mañá brille o laranxa: “Seguimos con algunha baixa, pero foi unha semana moi boa de adestramentos. Xa imos tendo incorporacións, aínda que algunhas sexan paulatinas, podémolo suplir coa nosa amplitude de persoal”.
Cristina, xogadora do Burela: “Temos confianza e ganas de dar un bo espectáculo na casa. Non creo que Xaloc nos vaia a poñer as cousas tan doadas como pode indicar a clasificación”.
Se así o estima o corpo técnico, este será o sétimo partido de Liga para a pívot. Xa queda atrás a lesión de xeonllo que a afastou a tempada pasada das pistas: “Cada vez estou mellor, con máis ritmo. Ao principio faltábame un pouco. Os minutos estanme dando confianza e axúdanme a mellorar en fondo. Espero estar ao cento por cento en pouco tempo”.
Cristina, xogadora do Burela: “Os minutos estanme dando confianza e axúdanme a mellorar en fondo. Espero estar ao cento por cento en pouco tempo”.
Ás ausencias de Ana Romero, Cami, Bea Mateos e Ale de Paz, sumarase Jane, por unha sobrecarga.
Convocatoria Pescados Rubén Burela FS: 1. Jozi, 3. Dany, 4. Cris Lourés, 5. Cristina, 6. Cilene, 7. Peque, 9. Jenny, 10. Lara Balseiro, 13. Lucía Paz, 19. Luci, 21. Jenny Lores
