Autos Llano e Pescados Rubén Burela FS seguirá viaxando xuntos al menos, dous anos máis. A entidade deportiva e a empresa de transportes acaban de renovar o seu acordo ata 2022. Fernando Lozano, directivo da empresa vilalbesa, visitou a sede do club laranxa para pechar a ampliación do contrato co presidente do Burela, Manuel Blanco.
“Esta é a terceira tempada que percorremos España con Autos Llano como transporte oficial da entidade. É unha empresa de competencias contrastadas que nos brinda os mellores servizos para os nosos deportistas e estamos moi satisfeitos con contar con eles os dous próximos exercicios” aplaudía así Manuel Blanco a continuidade na relación coa firma.
Presentación do bus laranxa
Coa rúbrica do acordo, puidemos ver a presentación do novo Bus Laranxa, co confort e a modernidade como sinais de identidade para facer máis levadeiros os centos e ata miles de quilómetros que as escuadras sénior do conxunto galego teñen que percorrer en Primeira División.
Manuel Blanco, presidente do Pescados Rubén Burela: “É unha empresa de competencias contrastadas que nos brinda os mellores servizos para os nosos deportistas e estamos moi satisfeitos con contar con eles os dous próximos exercicios”.
Fernando Lozano, segunda xeración xunto a Alfredo Lozano á fronte de Autos Llano, tamén mostrou o seu agrado por “seguirse afianzando no sector, con entidades deportivas, conservando e coidando a proximidade e especial atención cos clientes, algo ao que levamos sendo fieis nos máis de 50 anos de historia da empresa, cunha flota de 30 autobuses e 50 traballadores”.
