O Pescados Rubén Burela xa conta de volta coa volta da Guerreira carioca, Cami. Tras seis meses no seu país por motivos académicos, a brasileira Camila Gadeia Silva (São Paulo, 1990) volverá defender o 8 do Burela FS, con máis ganas ca nunca. “O equipo medrou esta tempada, cun cadro máis amplo e completo. Creo que podemos pelexar por todos os títulos. Tiña ganas de volver e chego moi contenta. Quero axudar o equipo e poder volver xogar ben, recuperar a miña mellor versión, como acabei a tempada pasada, ou ata mellor”, así se mostraba Cami, xunto ao presidente, Manuel Blanco, e a vicepresidenta, Cesarina Fanego.
Cami, xogadora do Burela: “O equipo medrou esta tempada, cun cadro máis amplo e completo. Creo que podemos pelexar por todos os títulos. Tiña ganas de volver e chego moi contenta”.
A peche traballa para estar ás ordes de Julio Delgado e Lucas e será un gran reforzo para esta segunda volta no que están os títulos en xogo: “Pablo, o preparador físico, e David, o fisioterapeuta, estanme axudando para estar ao máximo canto antes. Queda pouco para que poida volver estar á disposición dos adestradores, se así o estiman oportuno”, falaba así a Cami da súa recuperación de nocello tras a disputa e o título da Copa América co Brasil.
Cami, xogadora do Burela: “Queda pouco para que poida volver estar á disposición dos adestradores, se así o estiman oportuno”.
“Tiven a oportunidade de vivir novas experiencias e seguir aprendendo no meu país durante estes meses co São José e co Brasil”, facía así balance a burelista do seu periplo recente sobre as pistas, lembrando a celebración de Copa de SM A Raíña, pero tamén lamentándose por non poder estar en Burela, para gozar do título de Supercopa de España. “Foi moi emocionante; vivino como afeccionada seguindo o partido pegada ao móbil”.
Cami, xogadora do Burela: “Tiven a oportunidade de vivir novas experiencias e seguir aprendendo no meu país durante estes meses co São José e co Brasil”.
