Tan só unha semana despois da clasificación do Pescados Rubén Burela FS para a Final Four de Copa da Raíña na pista do Leganés Masdeporte, a Liga volve conducir ás guerreiras laranxas a La Fortuna para disputar este sábado, ás 19.15 horas, a xornada 20 da categoría de ouro do fútbol sala.
“O partido da Copa foi un partido moi difícil pero serviunos para corrixir erros e poder regresar cunha vitoria” apuntaba Jane, autora do gol da vitoria da semana pasada (1-2) tras un partido no que lles tocou sufrir ás mariñás: “Tivemos posesión, xogo e ocasións pero debemos estar máis concentradas nos últimos metros. Temos que ser máis efectivas” puntualizaba a brasileira.
Jane, xogadora do Pescados Rubén Burela: “Tivemos posesión, xogo e ocasións pero debemos estar máis concentradas nos últimos metros. Temos que ser máis efectivas”.
O conxunto galego ten moi presente a súa última cita. Desde a segunda praza (52 puntos), as pupilas de Julio Delgado e Lucas volveranse atopar cun rival extramotivado, coma na Copa, que pelexa por afastarse da zona de perigo, ocupando a 12ª posición (15 puntos). Nesta segunda volta só puido puntuar ante o pechacancelas, Xaloc Alacant (1-5) e tentará dar un golpe da mesa ante a súa afección.
No partido da primeira volta, os tres puntos quedaronse en Vista Alegre (3-1). Ás ausencias de Ana Romero e Cami, ademais da enfermidade de Ale de Paz, súmanse Jenny Lores, por molestias nun xeonllo tras unha caída en La Fortuna o sábado pasada. Bea Mateos tampouco poderá ser da partida por unha contusión nun pé.
Convocatoria Leganés Masdeporte: Luci, Chuli, Patry Montilla, Saki, Puche, Ampi, Patri Blázquez, Guti, Stone, Yrezábal, Elena Aragón, Sandra.
Convocatoria Pescados Rubén Burela FS: 1. Jozi, 3. Dany, 4. Cris Lourés, 5. Cristina, 6. Cilene, 7. Peque, 9. Jenny, 10. Lara Balseiro, 11. Jane, 13. Lucía Paz, 19. Luci.
🗣️Previa | Las #GuerreirasLaranxas se enfrentarán mañana a las 19.15 H. al @LEGAFUTBOLSALA por segunda semana consecutiva; y ésto nos cuenta Jane sobre la cita liguera 🆚las madrileñas.
📝https://t.co/C5Da0LuK3C#Burela #Futsal #OrgulloLaranxa #FutsalHeart🧡 pic.twitter.com/CBAU2MMW0B
— PescadosRubén Burela (@burelafs) February 14, 2020
