Dúas xogadoras do Pescados Rubén Burela, Peque e Jenny, veñen de ser convocadas coa Selección Española Feminina de Fútbol Sala en categoría absoluta. O combinado español arrinca o ano visitando ao combinado portugués, na localidade de Vila Real. Disputarán un dobre duelo amigable, os días 14 e 15 de xaneiro, que servirá para medirse ao equipo luso. Os partidos reeditarán a final do Europeo, que conseguiu gañar España o pasado mes de febreiro en Gondomar.
A seleccionadora Claudia Pons deu a coñecer os nomes das xogadoras que van formar parte da concentración do combinado nacional español, entre os que están dúas das nosas: Peque e Jenny.
