- O duelo de rivaldade galega entre as pontevedresas do ENCE Marín Futsal e as lucenses do Pescados Rubén Burela caeu do lado visitante por un rotundo 1-7
Celebrouse a 11ª xornada da liga de Primeira División Iberdrola FS na que se disputou un dos diversos derbis galegos desta categoría, o ENCE Marín Futsal vs Pescados Rubén Burela FS no pavillón A Raña, cun resultado final 1-7. Partido dominado na súa totalidade polas burelenses que ademais do avultado resultado xeraron numerosas ocasións.
Abre forte o partido o Pescados Rubén Burela FS, que non permite ás rivais case pisar a súa cancha. Primeiro tanto do encontro cun remate de Patricia tras un pase de Emilly a Cami que corre pola banda e dispara a portería, chegando a Yeclana ao segundo pau para rematar o balón.
No minuto 8 detén Ana Eliza a primeira ocasión de perigo do ENCE Marín Futsal , un disparo lateral de Lucía tras unha recuperación de Guida. Outra de Gi Portes no minuto 10 nunha acción individual tras un roubo no que regatea a defensa burelense pero non atina coa portería. Continúan tentando o gol ambos equipos, pero poucas finalizacións durante os seguintes minutos desta primeira parte.
Téntao Emilly bloqueando Ana Pinto no minuto 15 tras un bo roubo de Dany en preto da área visitante e boa carreira ao longo da pista ata a cancha contraria, pasa a Emilly que tenta coala entre a defensa ata Noelia Montoro e volvéndoo a tentar, esta vez coa portería como obxectivo, no rexeite tras chocar nunha das xogadoras locais. Volve atoparse con Ana Pinto, esta vez na liña da área, nunha carreira pola banda e cara a cara coa porteara no minuto 17.
Case consegue o segundo Cilene nun lanzamento cruzado no minuto 3 e vólveo a buscar sen conseguilo Emilly no minuto 19 cun disparo afastado que bloquea coas mans a porteira do conxunto pontevedrés. Sálvaa Ana Eliza de novo, desviándoa a córner coa man nun cara a cara con Bravo tras unha contra moi ben montada pola porteira que sae rápido da área co balón nunha situación de ataque das visitantes.
Na segunda parte primeira ocasión clara das visitantes, cun disparo de Débora que bloquea a porteira do ENCE Marín Futsal . Téntao con accións rápidas o conxunto de More sen lograr finalizar con xeito, mentres as burelenses dominan o encontro con moito xogo de balón e posesión pero sen conseguir o gol.
Ata o minuto 25 no que o Burela FS encaixa dous goles seguidos, o primeiro de Emilly cun disparo lateral que nun principio parece deter Ana Pinto, pero que se lle escapa das mans e Antía Pérez protéxea ata que o balón cruza a liña de meta, cedendo o tanto á súa compañeira, e un segundo tanto, esta vez de Patricia, nunha boa xogada combinativa con Antía Pérez. Non tarda moito en chegar o cuarto, no minuto 28, un golazo impresionante de Dinha tras un moi bo control do balón ante Patri Corral, sorteándoa e meténdoa ao traveseiro cun disparo imparable.
Anota o ENCE Marín Futsal no último minuto
No minuto 34 Cami cóaa entre as pernas de Patri (tras a expulsión de Ana Pinto), cun disparo raso conseguindo o quinto, e no 38 Antía Pérez anota o sexto desde a área tras un bo roubo a media pista e unha boa combinación con Patricia. Consegue un tanto o ENCE Marín Futsal no último minuto, tras a sexta falta das mariñás que lanza desde os 10 metros Guida pero que bloquea Ana Eliza, aproveitando o rexeite Café para anotar o 1-6.
Hat-trick de Patricia
A segundos de rematar o encontro Patricia logra o hat-trick e o 1-7 final cun gol a portería baleira dende propia cancha en pleno ataque con porteira-xogadora do ENCE Marín Futsal .
A fin de semana que vén as Pícaras enfrontaranse ao AE Lles Corts, en Vista Alegre, nun horario que aínda non é oficial, pero que se prevee ás 21.00h.
FICHA TÉCNICA
1) ENCE MARÍN FUTSAL: Ana Pinto; Bravo, Gi Portes, Café (C), Guida –cinco inicial-, Miriam, Paula, Lucía, Patri Corral, Daniela, Gisela.. Entrenador: Daniel Álvarez “More”
7) PESCADOS RUBÉN BURELA: Ana Eliza; Dany (C), Noelia Montoro, Débora, Emilly – cinco inicial-, Patricia, Cami, Cilene, C. Pedreira, Cris Lourés, Antía Pérez, Dinha. Entrenador: Julio Delgado.
GOLES: 0-1, min. 4: Patricia. 0-2, min. 25: Emilly. 0-3, min. 25: Patricia. 0-4, min. 28: Dinha. 0-5, min. 34: Cami. 0-6, min.38: Antía Pérez. 1-6, min. 39: Café. 1-7, min.40: Patricia.
EQUIPO ARBITRAL: Ander Orbegozo Cantón, Olivier Cardero Rodríguez, Marcos Vázquez Mayan, Vanesa Covelo Vilariño. Amosaron tarxeta amarela a Noelia Montoro e Cris Lourés. Viu cartón vermello Ana Pinto.
