O título de Liga de Primeira División de Fútbol Sala feminino decidirase mañá no Martín Carpena de Málaga. AD Alcorcón FSF, tras eleminar ao Ourense Envialia na semifinal de onte, e Pescados Rubén Burela FS, enfrontranse nunha final que comezará ás 17.30 horas e que se poderá ver en Teledeporte. O último precedente entre ambos conxuntos é o encontro disputado en novembro no Pavillón de Vista Alegre e que rematou cun resultado de 2-2.
Once anos pasaron desde o debut do equipo feminino do Pescados Rubén Burela FS, facendo a súa estrea na División de Prata en 2009. Neste curta pero intensa traxectoria, o equipo das Guerreiras Laranxas logrou obter un palmarés impresionante, grazas ao seu esforzo, dedicación e garra nos momentos máis complicados.
Así, no ano do seu debut, xa puideron celebrar a consecución da Copa de Galicia Feminina 2009. Un logro que acadaron noutras catro ocasións, a última lograda na tempada 2018-19 na Coruña. Pero, sen dúbida, o broche de ouro desa primeiros ano de formación do equipo foi a consecución do ascenso á División de Honra.
O Burela acadou o seu primeiro título de Liga na tempada 2012/13
Tras uns cursos consolidándose nos postos altos da táboa na Primeira División de Fútbol Sala, as xogadoras do Pescados Rubén Burela FS conseguiron na tempada 2012-13 o seu primeiro campionato da Primeira División RFEF. Un logro que foi acompañado pola primeira Copa de España Feminina obtida polo club, rexistrando un dos mellores anos da súa historia.
A 2015-16 tamén logrou pecharse con grandes éxitos que engordaron o palmarés do equipo e que calquera club asinaría: segundo campionato da Primeira División RFEF e campioas da Supercopa de España Feminina.
Finalmente, na tempada 2018-19, as Guerreiras laranxas lograron a Copa da Raíña, a Supercopa de España e fixéronse coa vitoria na 4 Nations Futsal Cup, despois de impoñerse na final ao Kick off C5 de Milán. Todos estes logros obtivéronse en once anos de traxectoria nos que as xogadoras do Pescados Rubén Burela FS non deixaron de dar alegrías ao club e á afección. Unha afección que despedía así ao plantel antes de viaxar a Málaga.
https://twitter.com/burelafs/status/1276268773419421696?s=20