O Pescados Rubén Burela FS persegue a estela do Futsi, que segue a colocarse coma líder invito na táboa clasificatoria. Quince partidos xogados, e quince triunfos son as cifras que asinan as de Navalcarnero. Mentres, as o Pescados Rubén cedeu unha derrota e un empate. Esos dous tropezos sitúan ás galegas cinco puntos por debaixo do Futsi. Non queren deixalas coller distancias, por iso, no Pavillón bilbaíno de San Ignacio, sumaron tres puntos as lucenses pese a xogar fóra da casa e contar con ausencias destacadas nas súas filas.
As Guerreiras Laranxas viaxaban a Bilbao con nada menos que tres baixas moi importantes lastrando este desprazamento correspondente á 15 xornada de Liga. Dany, non puido viaxar por molestias nun xeonllo, Jane, debido a trámites burocráticos no seu país e Cilene, proclamouse campioa da Copa América con Brasil. A 6 burelista pechou ao grande o periplo en Copa América con Brasil, alzándose co título de campioa o venres ante Arxentina (4-1).
A pesar das baixas importantes, as galegas pecharon o ano cunha vitoria contundente ante o novel Bilbo FS (2-7), nunha cita na que as locais incluso puideron empatar no inicio da segunda parte. A protabonista do encontro foi Jenny Lores, que foi quen de anotar un hat trick.
Malia que non dispuxeron de moito acerto de cara a portería, o dominio das galegas viuse recompensado con 0-2 de Peque e Luci, nos minutos 6 e 14.
Un gran Bilbo con moito ímpeto conseguiu chegar vivo ao descanso grazas ao tanto de Andrea no 19.
Tras a reanudación, as locais buscaron o partido e encontraron o agasallo cun gol de Almu, nun balón dividido. Xa avisaba Jenny Lores na previa da posibilidade de que fora un partido trampa.
Con todo, as burelistas non quixeron especular e deron un paso adiante en intensidade e recuperaron axiña a iniciativa no electrónico. A propia Jenny Lores ampliou a fenda co seu triplete de goles particular ata o 2-5, no 30 e 34. Ale de Paz, no 36, e Jenny, nos últimos compases, foron as futbolistas que completaron a goleada.
FICHA TÉCNICA
BILBO FS: Jone, Pitxi, Jess, Almu, Andrea, cinco inicial; tamén xogaron Ixoe, Isa, Esti, Elena.
PESCADOS RUBÉN BURELA FS: Ana Romero, Cristina, Lara Balseiro, Ale de Paz, Jenny Lores, cinco inicial; tamén xogaron Peque, Jenny, Luci, Bea Mateos, Jozi.
GOLES: 0-1, minuto 6, Peque; 0-2, minuto 14, Luci; 1-2, minuto 19, Andrea; 2-2, minuto 21, Almu; 2-3, minuto 23, Jenny Lores; 2-4, minuto 30, Jenny Lores; 2-5, minuto 34, Jenny Lores; 2-6, minuto 36, Ale de Paz; 2-7, minuto 40, Jenny.
COLEXIADOS: De la Hoz Escudero // Herrero Fernández. Por Burela amarela a Bea Mateos (minuto 17), Ale de Paz (minuto 21), Peque (minuto 38).
INCIDENCIAS: Partido correspondente á xornada 15 de Primeira División disputado no pavillón San Ignacio.
As Guerreiras Laranxas do Burela estrearán o 2020 coa Copa da Raíña medindo forzas contra as tamén galegas do Amarelle
As galegas festexaron a vitoria acadada na casa do Bilbo FS. As de Julio Delgado despiden así o ano como segundo clasificado a cinco puntos do Futsi Navalcarnero. Co 2019 chegando ao fin, as Guerreiras estrearán o novo ano disputando os oitavos de final da Copa da Raíña. Será o sábado día 4 de xaneiro (18.00 horas), na pista doutro conxunto galego, neste caso o Viaxes Amarellle FSF .
O Pavillón polideportivo de Elviña será así escenario dun cruce entre conxuntos galegos que, curiosamente visten de laranxa, e que aspiran a todo nas súas respectivas traxectorias ligueiras nesta campaña 2019-2020. Outra cousa será o que depare a competición copeira. Quen seguirá a diante no torneo do OK, as de Burela ou as herculinas? O seu xogo e o acerto diante da meta rival serán os factores que determinen a continuidade de lucenses ou coruñesas nesta edición da Copa da Raíña. A resposta, á volta das vacacións de Nadal.
