- Cara para o Porriño, cruz para o Morvedre. Mentres as galegas aseguran a súa permanencia na elite estatal do balomán feminino español, as súas rivais perden a categoría.
O Pavillón Municipal do Porriño acollía o pasado sábado 14 de maio uno dos encontros máis importantes da tempada na loita pola permanencia. O Conservas Orbe Rubensa Bm Porriño e o Balonmano Morvedre enfrontábanse cun único obxectivo, continuar na elite do balonmán feminino español. Un partido definitivo, unha final pola permanencia.
O Balonmano Morvedre foi o encargado de abrir o partido co primeiro ataque, no que Shandy Barbosa abriría o marcador para o seu equipo a través dun lanzamento exterior.
O Conservas Orbe Rubensa Bm. Porriño no aspecto ofensivo buscaba, principalmente, o ataque posicional para ordenar o seu xogo dunha forma máis sinxela. En canto ao seu defensa, presentaban un 6:0 moi compacto na zona central con Inés Hernández e Sarai Samartín, que estaba a facer moito dano ás visitantes xa que estaban a atopar serios problemas para atacar.
Aproveitando os erros do Balonmano Morvedre, o conxunto porriñés viu a oportunidade de correr a contrataque e aproveitando a velocidade da extremo, Thais Fermo, conseguía poñerse por encima do marcador.
No minuto nove, tras as exclusións de Gabriela Romero e Shandy Barbosa, o Conservas Orbe Rubensa Bm Porriño tiña diante unha dobre superioridade. Isto supoñía unha gran oportunidade para marcar diferenzas, así no minuto 10, o marcador estaba o seu favor cun 7-4.
📸 ¡Estas son algunas de las mejores imágenes que nos ha dejado la Jornada 24 de @IberdrolaDHF! 💚
💥 ¡Emoción hasta el final a falta de dos jornadas para que concluya la temporada 2021-22!#SheLovesHandball #LigaGuerrerasIberdrola pic.twitter.com/7PamfqMFQS
— Liga Guerreras Iberdrola (@IberdrolaDHF) May 15, 2022
Chegado o ecuador do primeiro tempo, o conxunto porriñés mantiña a diferenza no marcador de tres tantos (8-5). O ataque galego concentrábase principalmente en atacar a zona central dos seus rivais na que estaban a aparecer espazos claros.
Minuto 21:27, o técnico do Bm Morvedre, Vicent Sos, pediu tempo morto que non tivo o resultado esperado. O Conservas Orbe Rubensa Bm Porriño sería capaz de parar o ataque e correr a contrataque, no que Inés Hernández poñería a diferenza de tres goles no electrónico.
A defensa nos últimos minutos das porriñesas estaba a ser moi dura e cunha gran Fátima Ayelén en portería. En canto ao ataque, Maider Barros desde o extremo dereito mostraba a súa efectividade sendo unha das grandes protagonistas. Chegou o final da primeira parte e o Conservas Orbe Rubensa Bm Porriño foise ao descanso co marcador ao seu favor (18-13).
Segundo acto para certificar a permanencia
A segunda parte empezou cun roubo do conxunto visitante e co gol de Caterina Benedetti. As visitantes parecían entrar máis enchufadas, sobre todo en defensa, onde Sonora Solano fixo grandes intervencións baixo paus.
En defensa, o conxunto que adestra Ismael Martínez non cambiara a súa formulación con relación á primeira parte. En ataque continuaban atacando con moito movemento de balón e onde, estaban a achegar todas as xogadoras.
As porriñesas atopábanse no seu momento máis doce. En defensa o traballo estaba a ser esencial e destacar tamén a actuación baixo paus de Estela Carrera. Chegado o ecuador do último tempo, o marcador continuaba a favor das locais (26-17).
A falta de cinco minutos para finalizar o encontro, o electrónico continuaba para as locais cun 32-21. As de Vicent Sos estaban fóra de partido. O Conservas Orbe Rubensa Bm Porriño aproveitou os minutos para darlle tempo a todas as xogadoras, como á moza Marta Dá Silva que comandaba o ataque porriñés.
Chegou o final do encontro e o Conservas Orbe Rubensa Bm Porriño quedou cos dous puntos por un resultado de 36-25. Desta forma, o conxunto de Ismael Martínez asegurou a permanencia na liga Guerreras Iberdrola.
💚 ¡Disfruta de las mejores imágenes de la Jornada 24 de la @IberdrolaDHF! 🔛
👉🏻 @BmPorrino 36:25 @BMMorvedre #SheLovesHandball #LigaGuerrerasIberdrola pic.twitter.com/67siPA1uJK
— Liga Guerreras Iberdrola (@IberdrolaDHF) May 15, 2022
FICHA TÉCNICA
36) CONSERVAS ORBE RUBENSA BM PORRIÑO: Carolina Bono (2), Micaela Casasola (8), Marta Da Silva, Érica Tavares (2), Inés Hernández (2), Aitana Santomé (1), Arima López (1), Ariana Portillo, Maider Barros (5), Sarai Samartín (5), Haridian Rodríguez (1), Sandra Fernández (2), Thais Fermo (6), Carme Castro (1), Fátima Ayelén y Estela Carrera.
25) C. BM. MORVEDRE: Malena Guerisoli (1), Caterina Benedetti (5), Mariángeles de Uriarte, Irene Botella (1), Fiorella Corimberto (4), Celia López, Gabriela Romero (1), Matilde Tisato (1), Andrea Claramonte (1), Lucía Gámez (1), Helena Martín (2), Alexandrina Barbosa (6), Andrea Roda (2), Patricia Encinas y Sonora Solano.
MARCADOR CADA CINCO MINUTOS: 3-3, 7-4, 8-5, 10-9, 14-10, 18-13 – descanso – 19-15, 23-17, 26-17, 31-20, 32-22, 36-25.
ÁRBITROS: A parella arbitral estaba formada por Lucas Crespo e Pedro Eiras. Por parte do Conservas Orbe Rubensa Bm Porriño excluíron a Haridian Rodríguez. Por outro lado, do Club Balonmano Morvedre excluíron a Mariángeles de Uriarte, Fiorella Corimberto, Gabriela Romero, Lucía Gámez e Alexandrina Barbosa.
INCIDENCIAS: Partido correspondente á vixésimo cuarta xornada da Liga Guerreras Iberdrola crucial na loita pola permanencia.
