O Durán Maquinaria Ensino xa sabe quen será o seu primeiro rival na Copa da Raíña 2020. As xogadoras lucenses enfrontaranse o Perfumerías Avenida, as anfitrioas. A cita albergarase na cidade de Salamanca do 5 ao 8 de marzo, onde tamén se celebrou o sorteo.
A sede do torneo será o Multiusos Sánchez Paraíso. No Salón de la Reina do concello de Salamanca deixaron definidos o cadro de competición:
- Lointek Gernika-RPK Araski (o día 5 de marzo, ás 18.00 horas)
- Perfumerías Avenida-Durán Maquinaria Ensino (5 de marzo, ás 20.30 horas)
- Valencia Basket-Ciudad de la Laguna Tenerife (6 de marzo, ás 18.00 horas)
- Spar CityLift- Cadí La Seu (6 de marzo, ás 20.30 horas)
A primeira semifinal será o sábado 7 de marzo, ás 13.00 horas e a segunda, pola tarde, ás 16.30 horas. O fin desta cita será o 8 de marzo, ás 13.00 horas.
Non é a primeira vez que o Ensino xogará contra o Perfumerías Avenida. O pasado 9 de novembro, o conxunto dirixido por Carlos Cantero impúxose por un 68 a 62 no Pazo Provincial.
Na xornada nove, a correspondente a dita data, as xogadoras que máis destacaron das lucenses foron Britany Miller e Laura Aliaga. As cales anotaron 34 puntos dos totais. A seguinte cita antes da Copa da Raiña será o 22 de febreiro.
Se conseguen gañar, o seguinte enfrontamento para as de Lugo sairá do cruce entre Lointek Gernika e o RPK Araski. Neste último milita unha galega, Raquel Carrera.
A máis xoven do Araski, con tan só 18 anos, foi ex xogadora do Celta Zorka Recalvi e Pavillón de Ourense. A pesar de ter ofertas de equipos estadounidenses, a idea non lle parecía a máis correcta e decidiu marchar ao Valencia Basket.
Grazas a compaxinación de deporte e estudos (cursando o último ano do bacharelato), o equipo vasco fichouna na tempada actual. Polo que é a súa primeira vez na máxima categoría, a Liga Endesa. No seu palmarés posúe un ouro coa selección española Sub 16.
Se alcanza a final da Raíña, veranse ás caras con dúas galegas
Na outra parte do cadro da copa están María Araujo no Spar Citylift Girona e Tamara Abalde no Valencia Basket. A viguesa enfrontarase ao Cadi La Seu (venres 6, ás 20.30 horas). No caso da ferrolá, será ao Ciudad de La Laguna Tenerife (venres, ás 18.00 horas).
Contra os dous equipos das galegas, as xogadoras da cidade amurallada xa teñen experencia. Contra o Valencia B.C. xa se enfrontou na Liga Endesa nas dúas ocasións posibles.
Na primeira, a correspondente a xornada tres, as de Cantero perderon por unha gran diferenza (95-49). Onde Tamara Abalde fixo seis puntos. Na segunda, xornada 15, un Ensino totalmente renovado en ataque en defensa quedouse a tan só tres puntos das de Valencia. Nesta ocasión, Abalde anotou dez puntos.
María Araújo so coñece o Ensino da primeira volta. Na xornada catro, en Girona, gañaron por tan só oito puntos. A viguesa só sumou tres puntos desde os tiros libres. Pero a segunda está moi preto. Será o 19 de xaneiro, ás 18.00 horas no Pazo Provincial.
DATOS DE INTERESE
CUARTOS DE FINAL: PERFUMERÍAS AVENIDA – DURAN MAQUINARIA ENSINO
HORARIO: 5 de marzo, ás 20.30 horas.
CAMPO: Multiusos Sánchez Paraíso (Salamanca)
INCIDENCIAS: Partido correspondente aos cuartos de final da Copa da Raíña que se disputarará en Salamanca do 5 ao 8 de marzo.
