O ano estreábase para as loitadoras galegas cunha competición internacional en Niza. Do pasado 15 ao 17 de xaneiro, a localidade francesa acolleu outra edición do Torneo Henri Deglane, no que participaron Lydia Pérez e Nerea Pampín.
As loitadoras galegas, que forman parte de Fegaloita e representaron á Selección Española, lograron quedar entre as dez primeiras das dúas categorías nas que competiron.
Lydia Pérez, do Club de Loita de Pontevedra, que participou en -62 kg, quedou novena, cedendo puntos ante a alemana Luisa Helga e na repesca ante a itailiana Sara da Col. Pola súa parte, Nerea Pampín, do Club Keltoi, competiu en -68 kg, tamén acadando a novena posición. A loitadora cedeu nun primeiro combate ante a francesa Kendra Dacher e na respesca venceu á turca Nur Gok, pero caeu ante unha compatriota, Asli Demir.
O parón da competición por mor do COVID-19 lastrou ao equipo español. No caso dos galegos que competían en masculina, Damián Iglesias e Jose Cuba, conseguiron unha sétima posición cada un nas súas respectivas categorías.
Estes resultados non desaniman ás loitadoras, que seguen preparando os Xogos Olímpicos de Toquio 2021, mentres recuperan o ritmo de competición.
