O Peluquería Mixta Friol viaxa ata Barcelona para enfrontarse mañá as 12:30 no Joan Gamper 2 a todo un FC Barcelona B. As pupilas de Geluco Villar afrontan o partido tras a gran vitoria da pasada xornada de Liga fronte a outro filial, o Atlético de Madrid B no Municipal de A Reigosa por 3-1.
O conxunto lucense afronta o partido coa gran nova da inclusión da súa promesa Lucía Pardo no once de Ouro da tempada que elixiu o Fútbol Draft. A galega deberá aínda superar novos cortes antes de saber se estarán entre o equipo de gala, aínda que por agora a de Outeiro de Rei está entre as 55 mellores futbolistas femininas.
Covi, xogadora do Friol: “Este partido tentaremos afrontalo con ilusión e aínda que conscientes da dificultade tentaremos sacar o mellor resultado posible. Neste partido vai convocada Maria Valcárcel, que xa debutará contra o Madrid CFF”.
O Friol quere seguir coa boa dinámica e diante terá un duro escollo, o segundo clasificado da Liga Reto. As de Villar quererá aproveitar o mal refacho de resultados que acumulan as catalás nos seus dous últimos encontros, fronte ao Racing de Santader (2-4) e a pasada xornada co Alavés (3-2). As galegas sitúanse na 14ª posición da táboa con 19 puntos, 6 por riba do descenso. O filial culé a pesar das dúas derrotas seguidas, son segundas con 41 puntos e a tan só catro da cabeza.
Covi, xogadora do Friol: “O equipo está ilusionado porque é un partido especial, non sempre se ten a oportunidade de xogar nunha das mellores cidades deportivas de España e o Barca B está a ser un dos mellores equipos da categoría”.
Mañana una nueva jornada de Reto Iberdrola, viajamos a Barcelona para jugar en una de las mejores ciudades deportivas. A las 12:30, FC Barcelona B – PM FRIOL, y si quieres disfrutar con nosotros, puedes seguir el partido en directo a través de Footters. ⚽️⚽️⚽️
— PMFRIOL (@pmfriol) February 21, 2020
