A comezos de marzo celebrarase o Campionato de Europa de Pista Cuberta no que competirán Ana Peleteiro e Belén Toimil. A primeira destas atletas participará en triplo salto e a segunda o fará no concurso de lanzamento de peso. A localidade polaca de Torún é o escenario escollido para celebrar este torneo do 4 ao 7 de marzo.
Na primeira lista de seleccionados só estaba Ana Peleteiro. A plusmarquista nacional de triplo logrou no campionato de España o seu 16º título nacional, polo que acudirá a Torún con boas sensacións para defender o título europeo. Xa no 2019, en Glasgow, a galega proclamouse campioa da súa modalidade e estableceu a súa MMP de 14,73 metros.
Porén, cando se fixo pública a lista de respesca o atletismo galego celebraba unha boa nova. Belén Toimil tamén viaxará a Polonia para competir.
Esta está a ser unha gran tempada para a lanzadora, que recentemente mellorou a súa MMP en 62 cm acadando os 17,86 metros. No campionato de España, ao que tamén acudiu, logrou uns grandes resultados que fan máis que probable que a atleta supere o Récord de España Absoluto, establecido agora en 17,94 metros.
