A atleta galega Ana Peleteiro recibirá a medalla Castelao 2020 pola súa aportación á sociedade como deportista da elite. Esta condecoración é outra proba da proxección da deportista de Ribeira, que con 16 xa fora campioa do Mundo Júnior, cunha marca de 14,17 metros no salto.
Na retina de todas as persoas que puideron, ou ben presenciar en directo, ou desde os seus televisores, quedará ese bronce que se colgaba Peleteiro no Mundial de Birmingham no 2018.
Agora suma un galardón máis ao seu palmarés, xa extenso a pesares de ter so 24 anos, proba tamén da súa ampla proxección no atletismo.
O presidente da Xunta de Galicia, Alberto Núñez Feijóo, anunciaba así que se lle outorgaba á atleta galega Ana Peleteiro a máxima distinción coa que conta a Comunidade Autónoma Galega.
Foi esta semana cando na deliberación semanal do Consello da Xunta aprobábase o decreto polo que se concede esta distinción a aqueles galegos e galegas cuxa obra, en calquera faceta da actividade humana, se considera merecedora do recoñecemento de toda Galicia.
No caso do deporte, o galardón recaeu en Peleteiro pero nas distincións correspondentes ao ano 2020, que se van entregar o vindeiro 28 de xuño, a relación completa é a seguinte segundo recolle a nota oficial da Xunta de Galicia:
O GRUPO DE MÚSICA TRADICIONAL GALEGA ‘A RODA’
Desde a súa orixe nas tabernas de Vigo nos anos setenta, teñen pasado por innumerables países visitando centros galegos na diáspora. Forman parte xa do patrimonio cultural de Galicia e suman esta medalla a outros recoñecementos, como o Premio da Crítica de Galicia.
ASOCIACIÓNS DE AMIGOS DO CAMIÑO DE SANTIAGO
Institucións sen ánimo de lucro repartidas por todo o mundo que, desde hai décadas, colaboran na conservación da Ruta Xacobea na difusión do seus valores e na atención aos peregrinos.
PILAR CERNUDA
Xornalista compostelá especializada en información política cunha ampla e exitosa traxectoria en numerosos medios de comunicación, nos que segue a colaborar, tanto escritos como audiovisuais.
XOSÉ MANUEL PIÑEIRO
Condutor do programa Supermartes da TVG, este comunicador ten demostrado durante décadas a súa profesionalidade ante as cámaras e a súa empatía e boa relación cos espectadores.
ANA PELETEIRO
Esta deportista ribeirense acumula, aos seus 24 anos, medallas e récords. É plusmarquista nacional en triplo salto en todas as categorías de idade a partir de sub-18 e campioa de Europa en pista cuberta na súa especialidade.
Peleteiro foi Premio Princesa de Asturias en 2013
Non é esta a primeira vez que a triplista de Ribeira obtén un recoñecemento á súa carreira deportiva máis aló das pistas de atletismo. No ano 2013, a atleta galega foi condecorada co Premio Princesa de Asturias S.A.R Doña Letizia . Tal e como recolle a RFEA outorgóuselle como deportista menor de 18 anos, que máis tiña destacado durante ese ano pola súa progresión deportiva.
O palmarés de Ana Peleteiro no triple salto é amplo, pódese consultar na Real Federación Española de Atletismo e inclúe hitos como o Récord de España acadado o pasado ano en Glasgow ao saltar unha distancia de 14,73 metros o 3-3-2019. Pero a lista é moito máis longa:
Historial Español
- Plusmarquista de España Absoluta (aire libre/pista cuberta) de triple (14.73 en 2019)
- Mellor marca de España Sub23 de triple en pista cubierta (14.23 en 2017)
- Mellor marca de España Sub23 de triple aire libre (14.20 en 2017)
- Plusmarquista de España Sub20 de triple aire libre (14.17 en 2012)
- Plusmarquista de España Sub20 de triple en pista cuberta (13.91 en 2014)
- Mellor marca de España Sub18 de triple al aire libre (14.17 en 2012)
- Campioa de España absoluta de triple al aire libre (2015-2017-2018-2019)
- Campioa de España absoluta de triple en pista cuberta (2014-2016-2017-2018-2020)
- Campioa de España sub23 de triple en pista cuberta (2017)
- Campioa de España sub20 de triple al aire libre (2013)
- Campioa de España sub20 de triple en pista cuberta (2013)
- Campioa de España sub18 de triple al aire libre (2011)
- Campioa de España sub18 de triple en pista cuberta (2011)
- Campioa de España sub16 de longitud en pista cuberta (2010)
- Campioa de España sub16 de triple en pista cuberta (2010)
- Campioa de España universitaria de 100 m (2014)
Récords de España e Mellores marcas
- Absoluto AL/PC. Triple: 14.73 (2019)
- Sub23 AL. Triple: 13.96, 14.17 (2012)
- Sub23 PC. Triple: 13.75 (2013), 13.85, 13.91 (2014); 13.91 (1996); 14.20, 14.22, 14.23 (2017)
- Sub20 AL. Triple: 13.50, 13.50, 13.53, 13.63, 13.64, 13.96, 14.17 (2012)
- Sub20 PC. Triple: 13.24, 13.75 (2013); 13.85, 13.91 (2014)
- Sub18 AL. Triple: 12.79, 13.09, 13.17 (2011); 13.50, 13.50, 13.53, 13.63, 13.64, 13.96, 14.17 (2012)
- Sub18 PC. Triple: 12.60, 12.70 (2011), 12.80, 13.04 (2012)
Historial Internacional
- CM 2017 – Londres Triple (7ª/14.23)
- 2019 – Doha Triple (6ª/14.47)
- CE 2018 – Berlín Triple (3ª/14.44)
- CESel 2014 – Braunschweig Triple (9ª/13.09)
- 2015 – Cheboksary Triple (5ª/14.03)
- 2017 – Lille Triple (8ª/13.54)
- 2019 – Bydgoszcz Triple (2ª/14.27)
- CMpc 2016 – Portland Triple (11ª/13.59)
- 2018 – Birmingham Triple (3ª/14,40)
- CEpc 2017 – Belgrado Triple (5ª/14.13)
- 2019 – Glasgow Triple (1ª/14.73)
- CE-s23 2017 – Bydgoszcz Triple (2ª/14.19)
- CM-s20 2012 – Barcelona Triple (1ª/14.17)
- 2014 – Eugene Triple (6ª/13.71v)
- CE-s20 2013 – Rieti Triple (3ª/13.29)
- CM-s18 2011 – Lille Triple (3ª/12.92v)
- FOJE 2011 – Trabzon Triple (1ª/13.17)
Anos lonxe da terra pero con Galicia no corazón
A deportista galega iniciou a súa traxectoria competitiva no Atletismo Barbanza, logo militou no F.C. Barcelona e leva desde o ano 2015 no equipo C.A. Adidas. Ás ordes do cubano Iván Pedroso a súa evolución deportiva foi notable.
Hai anos que adestra lonxe de Galicia pero sempre ten á sua terra presente aló por onde vai e regresa regularmente para cargar pilas á súa vila natal. Proba delo son as súas constantes referencias a Ribeira nas súas redes sociais.
Sen ir máis lonxe o pasado 17 de Maio co gallo do Día das Letras Galegas, recuperaba un anaco dunha intervención súa no Land Rober Tunai Show en defensa da lingua galega e da fachenda de sermos galegos que fora moi comentada. Deixámosvola aquí:
