Dúas galegas foron recoñecidas polos seus logros nos Premios MARCA del Deporte Femenino 2020-21. A triplista Ana Peleteiro e a colexidada de fútbol Eugenia Gil Soriano son as dúas mulleres que o xornal deportivo distinguiu polos seus méritos nesta tempada.
A colexiada coruñesa Eugenia Gil Soriano foi galardoada como Mellor árbitra. A deportista non so pita partidos de fútbol na Liga Iberdrola, tamén o fai na Terceira División e compite como velocista en atletismo conseguindo tamén éxitos como atleta. Nas pistas, Eugenia Gil defende a camiseta da Sociedad Gimnástica Pontevedra.
Aínda que estos premios céntranse máis no fútbol, na gala premiuse a algunas das deportistas que participaron nos xogos. Foi o caso de Ana Peleteiro pola súa participación nos Xogos Olímpicos de Tokyo onde acadou, na súa primeira participación olímpica, a medalla de bronce en triple salto.
A Yulimar Rojas, campioa olímpica en triple salto, correspondeulle o galardón á Mellor Deportista do ano. Recolleu o seu premio a súa amiga e compañeira de adestramentos, a galega Ana Peleteiro. O premio á mellor promesa deportiva foi para Adriana Cerezo. A distinción ao mellor equipo Olímpico en Tokyo 2020 foi para a Selección de Waterpolo. A paralímpica Marta Fernández levou o premio á deportista paralímpica máis relevante. O galardón ‘Road to París 2021’ foi para Virgina Díaz.
Na lista de mellores futbolistas da tempada pasada estiveron a Pichichi, Jenni Hermoso (31 goles en 26 partidos), e a ex deportivista e agora porteira do Real Madrid Misa Rodríguez que levou o premio Zamora (so encaixou 30 goles e asina un coeficiente de 0.90). O premio á MVP foi para a blaugrana Caroline Graham-Hansen.
O premio revelación correspondeulle á merengue Marta Cadrona e o Selección a Alexia Putellas. O mellor gol levouno Nerea Eizagirre, da Real Sociedad, por un tanto anotado ante o Sevilla. A mellor Iberoamericana foi Aline Reis (UDG Tenerife) e Lluís Cortés o premio ao mellor adestrador logo de que o FB Barcelona acadase o triplete (Liga, Copa e Champions).
