Por sexta vez na súa traxectoria deportiva, Ana Peleteiro proclámase campiona de España de triplo salto en pista cuberta. Fíxoo chegando, nesta ocasión, aos 14,21 metros e reina na modalidade entre as atletas do estado.
A galega, que adestra no Team Iván Pedroso e defende as cores de Adidas, non tivo rival en Madrid onde o polideportivo Municipal Gallur acolleu o LVII Campionato de España Absoluto de Pista Cuberta. Por mor das medidas de prevención de contaxio da COVID-19, a competición tivo lugar sen público.
Peleteiro é campioa de triplo salto en pista cuberta no 2014, no 2016, no 2017, no 2018, no 2020 e agora no 2021. Van seis entorchados para a galega do Barbanza.
Ana Peleteiro saltou no primeiro intento até os 14.21 metros. Esa foi a marca que lle valeu o ouro. No seu segundo intento chegou até os 13,97m, no terceiro 13,37m e no cuarto 14,11m. Foron nulos os seus dous últimos intentos.
🚺 Podio Triple Salto #CEatletismoPC
🥇 @apeleteirob (14.21)
🥈 @SarrapioP (13.77)
🥉 Tessy Ebosele (13.54)¡Enhorabuena! pic.twitter.com/8bKpldrsZv
— atletismoRFEA (@atletismoRFEA) February 20, 2021
A saltadora galega compartiu podio con Patricia Sarrapio, do Playas de Castellón, que chegou co seu primeiro e mellor intento aos 13.77 metros; e Tessy Ebosele, da Real Sociedad, que saltou até os 13.54 metros que levou a medalla de bronce no concurso de triple salto do LVIII Campionato de España en pista cuberta.
O seu salto de hoxe, sábado 20 de febreiro, é a terceira mellor marca europea do ano. A galega quence motores para Tokyo 2021.
Triple 🚺
CAMPEONA@apeleteirob 14.21 (líder 🇪🇸 del año)
6⃣ títulos (2014-2016-2017-2018-2020-2021)
⏰ https://t.co/CEHh0nAwvP
📺 https://t.co/NHPliLi4Wp
📝 https://t.co/HIelndOXs9#CEatletismoPC pic.twitter.com/hbV7L7piHm— atletismoRFEA (@atletismoRFEA) February 20, 2021
RESULTADOS DE PELETEIRO EN TRIPLO SALTO NO CAMPIONATO DE ESPAÑA ABSOLUTO EN PC
