A sorte sorríe un pouco ao Dépor ABANCA. Despois de semanas de derrotas e malas noticias, o club branquiazul respira. Peke, pichichi do conxunto dirixido por Manu Sánchez e convocada pola selección española en outubro, está recuperada e poderá xogar para o próximo encontro da Liga Iberdrola.
A dianteira vasca perdeuse varios dos últimos encontros do Dépor debido a un proceso vírico, que a mantivo alonxada tanto do céspede como dos adestramentos. Porén, Peke volveu ás sesións de traballo de Sánchez e está lista para xogar ás ordes do adestrador para a próxima cita.
Coa recuperación de Peke so queda Kenni na enfermería
Desta forma, soamente Kenni estará de baixa para o encontro, aínda que se prevé que a recuperación da futbolista remate en pouco tempo.
As deportivistas recibirán ao Atlético de Madrid en ABANCA-Riazor o próximo domingo, 22 de novembro ás 16:15 horas.
A posibilidade de que o público acceda para desfrutar do encontro é aínda unha incógnita, xa que o equipo está pendente das medidas sanitarias e sociais autorizadas pola pandemia.
