Ainize Barea Peke foi unha das protagonistas do partido ante o RCD Espanyol que o RC Deportivo ABANCA vencía 2-1 logo de que fosen as catalás as primeiras en marcar. Nos prolegómenos do choque recibiu do mesmo xeito que con anterioridade Gaby, Cris e Iris, a camiseta conmemorativa dos seus cen partidos oficiais vestindo de branquiazul. Esa Peke centenaria festexou o hito anotando un dos goles que, finalmente, darían o trunfo ás locais nun cruce que tiveron que remontar.
Con Peke, o Dépor ABANCA xa ten un póker de futbolistas centenarias
Ante os medios, futbolista do Dépor ABANCA admitía que anotar é sempre unha satisfacción e máis para unha xogadora da súa demarcación. “Toda a dianteira que mete gol e encima gaña o partido é moi bo. Espero seguir nesa liña”, apuntaba a deportivista
Logo desta nova vitoria branquiazul, Peke confesa sentir “alivio. Sacamos un partido que era moi importante para nós, para estar a pelexar pola salvación. Estamos contentas, con ganas de que chegue a próxima semana”.
Do choque ante o RCD Espanyol, opina a dianteira deportivista: “metéronos un golazo de falta, pero tampouco nos fixeron tanto dano. Nós si que chegamos moitísimo e non tivemos esa eficacia de face ao gol. A segunda parte foi totalmente nosa. Merecida vitoria”.
Subliña a atacante branquiazul que o conxunto que adestra Manu Sánchez non se pode “descolgar de aí porque nunca se sabe o que pode pasar. Aínda temos que xogar con rivais contra os que podemos competir moi ben”, anticipa Peke.
A xogadora do Dépor ABANCA advertía que na clasificación todo é moi voluble e inestable ao estar todos os equipos nun pano. En concreto explicaba: “Gañas dous partidos, ou perdes dous, e as posicións mudan. Da igual quen marque agora mesmo a permanencia, nós tenemos que facer o noso, da igual o que faga o rival”.
Peke: “Ante o Atlético as que nos xogamos algo somos nós, ten que notarse”
O primeiro deses rivais será este mércores 19 de maio o Atlético de Madrid na Cidade Deportiva Wanda Alcalá de Henares: “Dá igual contra quen nos toque. Estamos na situación na que estamos. Polo menos temos que saír máis enchufadas que o rival. As que se están xogando algo somos nós. E iso tense que notar no campo”, conclúe.
Nas filas do RCD Espanyol non se renden
Tamén ao final do partido, desde o bando rival, houbo comparecencias ante os medios. En concreto a futbolista do RCD Espanyol Femení, Laura Fernández, con xesto triste, manifestaba ao final do partido que tiñan marchado cara a vestiarios ao descanso “con boas sensacións e marcando gol, que estábanos a custar. O resultado non é o que nos tería gustado, pero que ninguén dubide que habemos de nos deixar a pel por este equipo e por este escudo até o último minuto do último partido. Temos que sermos máis efectivas. Imos polo bo camiño, e ímolo tentar até o final”.
🎙️| “Lo vamos a intentar hasta el final, que nadie tenga ninguna duda”.
Laura Fernández, tras el partido, valora la situación del equipo.#RCDEFem pic.twitter.com/BxLLDHXyRm
— RCD Espanyol Femení (@RCDEFemeni) May 15, 2021
Pola súa parte, Rubén Casado, adestrador do conxunto do RCD Espanyol tamén insistiu en que o conxunto perico non se rende. “Mentres teñamos opcións matemáticas ímonos deixar a vida, sobre todo en accións na área. Non estamos en situación de lle pedir nada a á afección, pero sen vós non poderemos chegar ao final. Nós non nos rendemos. Precisamos do voso apoio”.
🎙️| “No estem en una situació de demanar res a l’afició, però sense vosaltres no podrem arribar fins al final”
No ens rendim. Necessitem el vostre suport💪⚪️🔵#RCDEFem pic.twitter.com/1Puz4QNHKc
— RCD Espanyol Femení (@RCDEFemeni) May 15, 2021