A dianteira deportivista Peke entrou o pasado martes na convocatoria da Selección Española absoluta feminina para o partido contra Moldavia, que se disputará no estadio Zimbru, en Chisinau, o próximo 19 de setembro. Despois de moito tempo chamando á porta do combinado nacional, finalmente acadou a ansiada chamada. Ainize Barea atendeu en rolda de prensa aos medios de comunicación e comentou as súas impresións sobre estsa gran nova, a situación do Dépor Abanca e a próxima tempada da Liga Iberdrola.
Pregunta: Esperabas que a convocatoria coa selección chegase agora?
Resposta: Ao final, cando fas unha gran temporada, como a que fixemos todas as xogadoras do Depor, sempre está a posibilidade e de poder ir á Selección Española. Practicamente non mo esperaba, aínda que si que había posibilidade. Foi unha sorpresa e estou moi contenta.
P: Que supón para ti ir a selección despois de que o ano pasado se quedase a convocatoria tan preto?
R: Para min ir a selección é un premio ao traballo de todos estes anos. A verdade, é coma un soño, nunca sabes se pode chegar. Esta vez sí que chegou, así que agora toca desfrutalo.
P: Que che parece o formato de Primeira División que estableceu a Federación Española de Fútbol? Consideras que é boa a fecha para comezar?
R: Creo que dividir en dous grupos á liga é un paso cara atrás. Debería seguir coma ata o de agora, cun grupo, aínda que con dous equipos máis este ano.
Empezar en outubro é un atraso pero bueno, polo menos hai que ver o lado positivo que é que se empece en canto se poida. Xa que non se puido comezar en setembro, que non se retrase moi máis.
P: Como te sentes tras esta chamada da selección?
R: A verdade é que sinto unha mestura de alegría, nerviosismo e gañas. Pero sobre todo teño moitas gañas de desfrutar o momento, a convocatoria, e intentar facelo o mellor posible.
Aspiracións de Peke para a campaña 2020-2021
P: Que esperas da próxima tempada, tanto a nivel persoal como colectivo?
R: A nivel do grupo, o Deportivo ten que querer consolidarse na Liga Iberdrola. Intentar facer o que fixemos a tempada pasada. Temos que ter esa ambición e esas gañas de querer mellorar eses números. Cada tempada é máis complicada que a anterior, cada vez hai máis nivel, pero o Depor ten que estar aí para quedarse.
A nivel persoal, non me marco ningún obxectivo. Simplemente intentar aportar o máximo para axudar ao equipo a estar o máis arriba posible.
P: Como valoras reencontrarte con Tere Abelleira despois de deixar o Depor? Non te chama a atención que non fora chamada mentres xogaba no Depor e agora vaia convocada estando no Real Madrid?
R: Creo que todo o mundo que coñece a Tere e que xogou con ela non lle sorprende o feito de que estea na convocatoria. Sabiamos que tarde ou cedo chegaríalle a oportunidade coa absoluta e estou moi contenta de poder compartilo con ela.
P: Como condiciona ao vestuario os dous casos de COVID-19 detectado? Como está levando a cabo o club o control desta situación?
R: Ao final isto é algo que está pasando en todos os equipos, na sociedad. A cousa é que hai que adaptarse aos caso que haxa e seguir o protocolo que manden os médicos. Leva a situación do xeito máis normal posible e dadas as circunstancias, seguir traballando do mellor xeito posible pero sen parar.
P: Como está o vestiario trala detección destes casos?
R: Ao final, o club ante os casos positivos está actuando no xeito que mandan os médicos. Todo o mundo está ben, nada grave e o vestiario está tranquilo e segue traballando. A cousa é adaptarse ante está situación que se pode dar en calquera momento durante toda a tempada.
P: Partido da Selección Española ante Moldavia. Ves posibilidades de debutar?
R: A verdade, a ilusión é a de querer poder debutar, aínda que sexan uns minutos no partido. E se non, desfrutar da convocatoria coa selección e si se da ese caso de poder debutar, xenial.
P: Que esperas desta primeira experiencia coa selección española? Consideras unha vantaxe ir con xente coñecida como Tere Abelleira?
R: Ao final, o único que espero é poder desfrutar da convocatoria, de todo este tempo coa selección. Non considero que sexa unha vantaxe ir con xente coñecida. Todas estamos facendo o mesmo, todas imos a xogar ao fútbol, e seguro que desfrutarei con ela, pero non creo que sexa ningunha vantaxe ir con xente que coñeza.
Todo lo que tienes de “peke” lo tienes de GRANDE!! Merecidísimo 👏🏻👏🏻👏🏻 @ainizebarea https://t.co/oTbstbY5ri
— Alba Merino Sánchez (@albameri10) September 2, 2020
P: Como te enteraches desta gran noticia?
R: A verdade, entereime porque o móbil empezou a soar. Redes sociais, chamadas… Collín o teléfono, vin a lista, vin o meu nome e estou moi contenta.
P: Como está a preparar o Depor Abanca á próxima tempada? Como estás a ver o bloque?
R: O que é o club, as xogadoras, están traballando moi ben. Estamos adestrando ben, o que pasa é que está situación complicado polo tema de competir en amigables antes de comezar a tempada. É o único problema que ten todo isto ao marxe do retraso no inicio da competición. Estamos tranquilas e irase vendo como está o grupo a medida que vaimos xogando.
El Deportivo ABANCA retoma hoy los entrenamientos en Abegondo https://t.co/PEkJ3cxWE5 pic.twitter.com/qljfXc9IzT
— RC Deportivo (@RCDeportivo) September 2, 2020
P: Que sentes ao ser a única xogadora do Deportivo? Cres que debería haber máis xogador do equipo na convocatoria?
R: Faime moita ilusión ser a primeira xogadora do Dépor Abanca en ir coa absoluta. Vendo a gran tempada que fixemos, calquera xogadora merécese estar.
P: E este o momento máis feliz da túa carreira deportiva?
R: Si que tiven momentos bos, pero é algo moi grande, froito do traballo, e a verdade é que estou moi feliz.
P: O hashtag #pekeselección cumpriuse. Notaches o apoio da afección deportivista nos últimos meses para acabar conseguindo este obxectivo?
R: Xa coa pasada convocatoria sentín moitísimo apoio por parte da afección deportivista e de toda España. Ao final, ao seareiros do Depor, ti dáslle un pouco e devólvencho con creces. Estou recibindo moitísimos mensaxes da xente e nada, agradecerllo a todo o mundo de corazón.
