A deportivista Peke e futbolista galega Tere Abelleira, que milita no Real Madrid, e a súa compañeira e tamén ex deportivista, Misa, poñen rumbo a Moldavia mañá venres coa Selección Española Absoluta Feminina.
O seleccionador da ‘Roja’, Jorge Vilda, contou nesta convocatoria coa goleadora branquiazul, Peke, así como coa galega Tere Abelleira e a ex cancerbeira do Dépor ABANCA, Misa. Todo un recoñecemento á gran tempada que As Nosas deportisvistas fixeron o pasado curso 2019-2020.
A dianteira do Dépor ABANCA manifestaba en rolda de prensa hai uns días que lle gustaba a mentalidade gañadora que percibía na Selección Española.
Peke e a mentalidade gañadora
🗣️ @ainizebarea “Peke”: “Me encanta la mentalidad ganadora que tienen las jugadoras de esta Selección”#JugarLucharYGanar pic.twitter.com/J7234klYqJ
— Selección Española Femenina de Fútbol (@SeFutbolFem) September 14, 2020
As futbolistas do combinado español disputarán este sábado un partido clasificatorio para a Eurocopa de Inglaterra a celebrarse en 2022.
O partido ante Moldavia vaise xogar o vindeiro sábado 19 ás 19:00 (hora local, 18:00 horas en España) no Estadio Zimbru en Chisinau. Poderase ver en vivo a través de Teledeporte.
Ainize Barea, ‘Peke‘ estivo concentrada desde o pasado venres 11 de setembro na Ciudad del Fútbol de Las Rozas (Madrid) xunto ao resto de internacionais, entre as que están tamén as dúas ex integrantes do RC Deportivo ABANCA: Teresa Abelleira e Misa.
“Estar na Selección lémbrame a todas as xogadoras que teñen pasado durante estos anos polo Deportivo. É o traballo de todas ellas no Dépor ABANCA“, dixo aos medios a dianteira do club coruñés.
🗣️ @AinizeBarea “Peke”: “Quiero recordar a todas las jugadoras que han estado durante estos años en el @RCDeportivo“#JugarLucharYGanar pic.twitter.com/yMrF8XK7Ah
— Selección Española Femenina de Fútbol (@SeFutbolFem) September 14, 2020
A porteira, María Isabel Rodríguez, entrou na convocatoria por mor da baixa de Lola Gallardo, a gardamallas tivo que deixar a concentración debido a que unha das probas PCR que se lle fixo non deu un negativo concluínte. A deportista xa pasou a COVID-19 pero detectáronselle anticorpos, tal e como informaba a RFEF. Por precaución, decidíuse que non fose a Moldavia.
