Ainize Barea Peke converteuse a pasada semana na Cidade Deportiva José Ramón Cisneros na cuarta futbolista do Deportivo ABANCA en alcanzar o centenar de partidos en competicións nacionais.
A xogadora deportivista recibía nos prolegómenos do partido ante o RCD Espanyol en Abegondo (que o Dépor ABANCA rematou gañando), a camiseta conmemorativa dos seus cen partidos oficiais vestindo de branquiazul, do mesmo xeito que con anterioridade Gaby, Cris e Iris.
Peke é a máxima goleadora na historia do Dépor ABANCA
A dianteira, máxima goleadora da historia do Dépor ABANCA con 82 goles, que ante o RCD Espanyol tamén marcou, está na súa cuarta tempada no conxunto coruñés, onde chegou procedente do Santa Teresa CD no verán de 2017.
Neste catro campañas, a asturiana disputou 44 partidos en Primeira Iberdrola, 50 en Segunda División Nacional, 4 na promoción de ascenso á máxima categoría e 2 en Copa da Raíña.
Tras a visita ao Sevilla FC, segundo informa o RC Deportivo, o ránking das xogadoras con máis partidos oficiais atópase do seguinte modo: Gaby (111), Cris (109), Iris (101), Ainize Barea (100), Teresa Abelleira (92), Lía (83), Nuria e Kika (76), Alba Merino e Michelle Romero (70).
