Este venres, Esther Pedrosa recibiu da man a Secretaría Xeral para o Deporte e a Federación Galega de Atletismo o diploma conmemorativo polo seu dobre récord do mundo en atletismo máster.
No acto tamén estiveron presentes os atletas Pablo Fervenza (Samertolameu), Domingo Álvarez (Burgas Ourense), Nemesio Gutiérrez (Atletismo Friol) e Xosé Luís Otero Cepeda (Atletismo Santiago), quenes tamén recibiron os diplomas oficiais expedidos pola European Másters Athletics pola súa marca no 4x800m.
A galega Esther Pedrosa recibiu este recoñecemento polas súas marcas nas probas dos 800 e os 3.000 metros.
O secretario xeral José Ramón Lete salientou o traballo da galega, e subliñou que os tres récord do mundo conseguíronse na pista cuberta de Expourense, á que definiu como “a mellor pista cuberta de España e a que conta coa tecnoloxía máis moderna”.
Expourense acollerá o 25 e 27 de febreiro o LVIII Campionato de España Absoluto en pista cuberta. “Unha vez máis os atletas máis experimentados dannos unha lección de deporte e de vida da que, de seguro, tomarán boa nota os nosos mellores atletas absolutos como Peleteiro, Ben ou Toimil para acadar grandes resultados no Campionato de España que volverá acoller Ourense a finais deste mes”, apuntou Lete Lasa.