A atleta galega Esther Pedrosa segue imparable batendo récords mundiais. O último deles, o cuarto nestes derradeiros meses, foi o dos 3.000 metros F60, tras facer unha excelente actuación no Campionato de Galicia absoluto.
“Sinto alegría por seguir mellorando malia a idade que teño e de que as nenas axudáranme dentro da carreira, para min son as miñas nenas, todas as galegas”, declaraba emocionada Pedrosa tras a competición.
A deportista do Playas de Castellón afirmou estar “inmensamente feliz. Quero agradecer ao meu adestrador Mariano, que fai que isto sexa posible”, engadiu.
Cun rexistro de 10:56.17, a galega batía o récord do mundo, só uns días despois de recibir o diploma do European Masters Athletics polo seu dobre récord do mundo.
Pero a atleta quere máis: “Dentro de dúas semanas temos o Campionato de Europa en Braga e correrei o 800, o 1500 e se podo o 3.000. O obxectivo a longo prazo, para xuño, é Campionato do Mundo de Tampere onde espero estar en mellor forma que agora“.
