O equipo coruñés de rugby, o CRAT Residencia Rialta, segue reforzando o seu plantel cara a tempada 2020/2021. Paula Requena chega ao club procedente do Complutense Cisneros de Madrid, un dos principais conxuntos da Liga Iberdrola de rugby.
A xove xogadora, de só 23 anos, xoga de ala e chega a A Coruña por motivos persoais. Desde o seu debut coa Selección Española de Seven no 2018 no Campeonato de Europa, Requena converteuse en indispensable nesta modalidade e en rugby XV, coa que tamén participou coa selección absoluta.
Paula Requena: “Veño con ilusión e con ganas de aportar o meu granito de area aos obxectivos da tempada”
Na presentación, celebrada nas instalacións de Rialta, a xogadora estivo acompañada de Pedro López-Sors, presidente do CRAT, e de Carlos Vázquez, director da Residencia Rialta. Alí Requena declarou que ven che de “ilusión e con ganas de aportar o meu granito de area aos obxectivos que nos propongamos para a tempada. Competindo a alto nivel e sobre todo desfrutando en todo momento”. Tamén estivo presente Humberto Ramírez, director Técnico do club herculino.
Desde o club herculino móstranse encantados de recibir á que denominan “unha das mellores xogadoras do país e da que, tendo en conta as súas aptitudes e xuventude, só se poden agardar cotas aínda maiores se cabe”.
🏉¡Presentación de Paula Requena como nueva jugadora del @CRAT1976 en Rialta! ¡Bienvenida al equipo y mucha suerte! 👏
📷@pericolsc , presidente del CRAT , @Ramirezfouz y Carlos Vázquez, director de @rialtacoruna pic.twitter.com/hiPeGuLcVy
— Residencia Rialta (@rialtacoruna) November 24, 2020
