A Selección Española Seven, coñecidas como as Leonas7s, volven ao traballo esta semana con Paula Requena como única xogadora procedente de Galicia. Nunha concentración express localizada en Madrid, as mellores xogadoras a nivel estatal, adestrarán ás ordes de Pedro de Matías. Entre elas está a internacional do CRAT Residencia Rialta, que volve á Seven despois dun ano vinculado á Selección XV.
Entre o 3 e o 6 de maio, este combinado estatal perapraá as probas do campionato europeo, que terá lugar en Portugal e Rusia na primeira e a última fin de semana de xuño. Requena e as súas compañeiras tamén traballarán para a clasificación do Mundial de Ciudad del Cabo 2022, que arrinca a próxima tempada.
A suspensión das World Rugby Seven Series, planificada para o 15 e 16 e o 22 e 23 de maio en Marcoussis, forzou ao staff da selección vermella a centrar a atención por completo no compromiso europeo.
A lista das Leonas7s
O grupo seleccionado por Pedro de Matías destaca pola súa xuventude. Á convocatoria regresan xogadoras como a propia Paula Requena, máis centradas no XV, que compartirán sesións de adestramento coas máis benxaminas, algunhas das cales xa vestiron a camiseta das Leonas7s no Madrid7s.
