O pasado sábado disputouse en Castrelo de Miño o V Campionato Galego de Augas Abertas no que se proclamou vencedora a nivel individual, Paula Otero Fernández do C.N. Arteixo. En categoría masculina, o gañador foi Miguel Martínez Novoa do R.C.N. Vigo.
Otero rematou a proba nun tempo de 00:59:41, quedando en primeira posición. Na praza de prata xeral, María de Valdés, do CN Liceo, finalizou o campionato en 01:00:16, sendo ademais ouro en categoría sénior. Por detrás delas, e pechando o podio, quedou Ana Cernadas, do Fluvial de Lugo, cun tempo de 01:03:33.
Dentro da táboa júnior 1, despois de Paula Otero e Ana Cernadas, Alicia Bouzas, do CN Galaico, resultou terceira clasificada. Na categoría júnior 2, Andrea Domínguez foi campioa, seguida por Lucía Cal e Iria Puime. No caso da sénior, con de Valdés como vencedora, a prata foi para Ana Veiga e o bronce para Ana Pérez.
Na clasificación por clubes, o C.N. Ponteareas resultoucampión en categoría feminina e total, mentres que o C.N. Galaico fixo o propio en categoría masculina. En categoría máster do campionato de augas abertas, o Ponteareas tamén triunfou, gañando na feminina, masculina e a total.
Podes consultar nesta ligazón os resultados completos do V Campionato Galego de Augas Abertas.
XVII Circuíto Galego de Augas Abertas
Tamén na fin de semana rematou o XVII Circuíto Galego de Augas Abertas. A gañadora foi Ana Pérez García-Picher, do CN Galaico, club vencedor na táboa feminina por equipos.
Nas probas máster, os vencedores individuais foron:
- Máster 1: Rosalía García Míguez do C.N. Galaico e Denis Incutti Tellado do C.N. Ponteareas.
- Máster 2: Tania Alcalde Balado do C.N. Vilagarcía e Jorge Vázquez Iglesias do C del Mar.
- Máster 3: Mª del Mar Terceiro Delgado do Club del Mar e Julio Martínez fajardo do A.D. Fogar.
- Máster 4: Manuel Monroy Fernández do C.N. Ponteareas.
De novo, o CN Ponteareas foi gañador en augas abertas, triunfando en categoría feminina e masculina.
