Esta fin de semana celébrase en Loulé (Portugal) a primeira competición importante en piscina en moito tempo. Gran momento para a noso deporte e para o Club Natación Arteixo, xa que Paula Otero Fernández, nadadora de categoría Junior, foi seleccionada para participar co equipo nacional.
Este Meeting contará coa participación de seleccións de tres paises, Brasil, España e Portugal e celebrarase en Loulé, no Sur de Portugal, dende o 14 ao 16 de agosto, en sesións de tardes. Paula nadará un total de seis probas: 100, 400, 800 e 1500 libre, 200 e 400 estilos.
A galega viaxou a Portugal directa desde Málaga, onde estivo participando nunha concentración co Equipo Nacional do 3 ó 12 de agosto, acompañada pola adestradora da Federación Galega, Luisa Domínguez.
Este evento será unha gran ocasión para esta xoven nadadora de volver a medirse entre os mellores, e para todos de sentir de novo o espíritu competitivo. Esta competición será retransmitida por Sport TV3 Portugal en directo, polas tardes en horario de 19:00 a 22:30.
