- A nadadora do CN Arteixo, Paula Otero estará co equipo español na Copa do Mundo FINA.
- Ademais do 24 de outubro ao 13 de novembro o Equipo Nacional Absoluto fará unha concentración en altura no CAR de Sierra Nevada (Granada) na que tamén está convocada a deportista galega.
Estamos xa a mediados de outubro e comeza o calendario de competicións de natación. O Club Natación Arteixo estréase a nivel zonal coa Liga Infantil en San Amaro este sábado, e nada máis e nada menos que con Paula Otero de novo en Cita Internacional co Equipo Nacional Absoluto.
Paula Otero, que esta tempada adestra no Centro de Alto Rendimento do Car de Sant Cugat, levará de novo o nome do Club Natación Arteixo nas máis altas esferas da natación internacional. A deportista galega está convocada para participar esta fin de semana na 1ª Etapa da Copa do Mundo FINA con outros 13 nadadores e nadadoras de primeiro nivel nacional. Será en Berlín do 21 ó 23 e Paula participará nun total de catro probas: 400 libre, 200 bolboreta, 200 e 800 libre.
Esta primeira etapa da Copa do Mundo FINA de Natación terá lugar do 21 ao 23 de outubro en Berlín (Alemania).
Convocatoria da RFEN para a Copa do Mundo FINA de natación na que figura Paula Otero
Paula Otero está tamén cita para unha concentración tras esa Copa do Mundo
Nada máis voltar de Berlín, Paula Otero está convocada tamén para participar nunha concentración en altura no CAR de Sierra Nevada (Granada), que será dende o 24 de outubro ata o 13 de novembro. Desta convocatoria faise eco a Federación Galega de Natación.
Dita concentración será co Equipo Nacional Absoluto e terá como obxectivo principal o adestramento en condicións de altura, ciclo preparatorio para o Campionato do Mundo no que participará no mes de decembro.
A tempada xa está en marcha, e ó Club Natación Arteixo confía en que a entidade “espéralle un gran ciclo ata o Nadal, con participacións en Ligas Territoriais de edades, Campionatos Galegos e de España, e de forma especial unha competición por equipos a nivel nacional, a Copa de España de Clubs”.
Consulta a convocatoria da Selección Española da RFEN no CAR no que figura Paula Otero
