María de Valdés Álvarez, nadadora do CN Liceo, e Paula Otero Fernández, nadadora de categoría Junior do Club Natación Arteixo, participaron esta fin de semana co Equipo Nacional no Meeting des Vendanges – Canet, a competición levada a cabo na vila francesa de Canet des Roussillon.
Para esta cita deportiva tamén estivo convocada Luisa Domínguez, adestradora do CGTD como integrante do cadro técnico, según informa a FEGAN.
No evento, celebrado ao longo de este sábado e domingo, o segundo que se completa na era COVID-19, María e Paula participaron xunto con outros 32 deportistas convocados pola RFEN. O campionato rematou sendo unha gran cita competitiva para as/os nadadoras/es españois, que conseguiron compilar un total de 17 victorias durante o evento.
María de Valdés logrou subirse ao podio en 800m libres
A deportista do CN Liceo e conseguíu o mellor resultado das participantes galegas ao subirse ao podio como terceira clasificada na categoría de 800m libres. O seu tempo final foi de 08: 53.00, sumando só 0,68s ao tempo da segunda clasificada.
Tamén participou nas series de 100, 200 e 400 libre e 400 estilos. A primera delas, celebrada o sábado pola mañá, rematou con María de Valdés no posto 22 cun tempo de 01: 00.47.
Malia o resultado desta, a deportista non perdeu os ánimos e logrou ascender ata a novena posición (02: 08.50) na súa seguinte competencia, os 200m libres; seguida por un sexto posto (04: 22.90) nos 400 libres.
Rematou a súa participación cun séptimo posto nos 400 estilos, logrando unha marca final de 05: 01.82.
Paula Otero colleitou exitosas posicións malia a súa xuventude
A nadadora do CN Arteixo, Paula Otero, era das convocadas máis novas, e aínda así clasificouse nas catro probas que nadou acadou bos resultados e incluso mellorou a súa mellor marca persoal nos 100 metros libres. En concreto nadou esta proba o sábado na tarde acadando esa MMP con un tempo de 58.63. Este crono a colocou en 9º lugar entre case 60 deportistas.
O domingo nadou un total de tres probas, 800 libre na sesión de mañán, e 400 libre e 400 estilos na de tarde. Na primeira das mencionadas categorías acadou o 5º posto, finalizando cun tempo de 8.55.92.
O seu mellor resultado o acadou durante a tarde do domingo, nadando na categoría de 400 libre. Aí foi quen de facer un gran final de carreira, rematando primeira da súa serie, e cuarta na clasificación total con un tempo de 4.20.36.
Finalmente rematou a competición nadando o 400 estilos e quedando en quinta posición con un rexistro de 5.01.04. Paula segue avanzando na súa carreira entre as mellores, e a súa actuación no Meeting des Vendanges foi un novo escalón.
