Dende o xoves 14 de xaneiro ata o domingo 17, celébrase en Terrassa o Campionato de Natación Open de Catalunya. Nel, as galegas Paula Otero, nadadora junior do Club Natación Arteixo e Carla Carrón, do Club Natación Arzúa competirán formando parte do Equipo Nacional 2024.
Paula Otero e Carla Carrón, que forman parte da FEGAN, asistirán ao torneo celebrado en Cataluña xunto con outros 15 deportistas desta Selección Española. Otero participará nun total de seis probas, 400 libre, 200 bolboreta, 1500 libre, 100, 200 e 800 libre, repartidas durante os catro días que durará esta competición. Pola súa banda, Carrón competirá en 50, 100, 200 e 400 libre.
O Open Internacional abrirá a tempada do 2021 de natación, co Club Natació Terrassa como club anfitrión. A galega María de Valdés está xa clasificada para o Preolímpico de augas abertas, pero non participará neste Open.
Podes consultar nesta ligazón o listado completo de nadadoras inscritas.
