As nadadoras galegas Paula Otero e Ana Cernadas viaxarán a Roma co Equipo Nacional Júnior para competir no Campionato de Europa de natación.
As deportistas do CN Arteixo e o CN Fluvial de Lugo acudirán á cita que se desenvolverá entre o 6 e o 11 de xullo, e xa se atopan presentes no CAR Blume de Madrid, nunha concentración previa ata o 4 de xullo.
Paula Otero competirá nos 200, 400, 800 e 1500 libre, e Ana Cernadas o fará en 100 costas e 200 libre, ademais das probas de remudas. A finais de mes, Otero estará tamén presente no Europeo júnior de Augas Abertas de París.
Para este Campionato europeo tamén está convocada Luisa Domínguez, adestradora do CGTD, como integrante do cadro técnico.
Na competición tamén estará presente María de Valdés, andaluza do CN Liceo, formando parte do equipo absoluto.