Dúas galegas formarán parte da concentración da Selección Española Júnior de natación. Trátase de Paula Otero, do Club Natación de Arteixo e de Carla Carrón, do Club Natación de Arzúa.
As nadadoras, ambas bolseiras do Centro Galego de Tecnificación Deportiva (CGTD), participarán nas xornadas de control e seguimento da Selección, que terán lugar do 26 ao 30 de decembro no Centro M-86 de Madrid.
Otero, do CN Arteixo, ven de proclamarse campioa galega de 3.000 metros en categoría junior 1, no Campionato Galego de Longa Distancia disputado en Pontevedra.
Pola súa banda, Carrón, do CN Arzúa, recibiu o pasado mes de xuño o premio ADAN ao mérito deportivo 2019 como a nadadora con maior progresión.
