A nadadora galega Paula Otero vén de acadar dúas medallas de ouro no Euromeet de Luxemburgo, en concreto nos 800 e nos 1.500 metros libres. Ademais, Paula Juste sumou outro ouro máis á expedición española nesta cita deportiva continental, no seu caso nos 400 m estilos
A representación da Real Federación Española de Natación (RFEN) neste Euromeet estivo formada por seis nadadores entre dos que estaba a galega Paula Otero (CN Arteixo). O Euromeet de Luxemburgo é unha cita competitiva de preparación da tempada internacional, que contou coa presenza de figuras internacionais destacadas como Sarah Sjöström (SUE), David Verraszto (HUN), Yu Hanaguruma (JPN), Coleman Stewart (USA) ou Mykhailo Romanchuk (UKR), entre outros.
Se de resultados falamos, dentro dun nivel de marcas similar, a deportista galega Paula Otero destacou polos seus dous ouros nos 800 (8.41.22) e 1.500 metros libre (16.32.68) e outro de Paula Juste en 4 estilos (4.46.24).
Ademais de Paula Otero e Carla Carrón (que foi terceira en 400 metros libres con 4.14.26), deuse un denso programa para Paula Juste neste Euromeet. A nadadora levou o ouro e 400 metros estilos e dúas pratas en 200 estilos (2.17.02) e en 400 libre (4.13.82),
España trouxo no peto do Euromeet de Luxemburgo máis medallas de prata, en concreto as que colgaron no pescozo: Carla Carrón en 1.500 libres (16.43.90) e Ainhoa Campabadal en 200 libre (2.01.09).
Houbo tamén un bronce español que asinou Sergio de Celis no hectómetro libre (49.30), e postos de final para o propio Sergio de Celis en 50L (4º/22.67) e en 50M (7º/24.32), Paula Juste en 200L (4ª/2.01.26), Paula Otero en 400 ml (5ª/4.16.39), Alba Ferreiro en 200ml (5ª/2.01.98), Ainhoa Campabadal en 400ml (6ª/4.17.51) e Carla Carrón en 200ml ( 8ª/2.02.53).
Pola súa banda, o citado Sergio de Celis asinou a primeira praza na final B de 200m libres (1.51.29) e a 12ª nos 400m estilos individual (4.41.29). Alba Ferreiro foi segunda na final B dos 100 libres femininos (56.69), segundo informa a RFEN.
