O CRAT Residencia Rialta volve aportar internacionais á Selección Española de Rugby. Dúas habituais, Mónica Castelo e Paula Medín, xogadoras do conxunto coruñés do CRAT, están ás ordes de José Antonio Barrio ‘Yunque’ en Getxo.
Yunque, seleccionador do combinado estatal das Leonas XV, citou a 30 xogadoras que desde onte están a adestrarse de cara a disputar en outubro o Campionato de Europa 2020. A competición non puido celebrarse nas datas previstas (abril), por mor da pandemia de COVID-19. Os rivais da Selección Española serán: Rusia, o sábado 24, e os Países Bajos, o 31. Ambos os dous partidos vanse disputar en Elche ás 16:00 horas.
Mónica Castelo e Paula Medín estará ata outubro coa Selección
A concentración na que están Paula Medín e Mónica Castelo será de dúas semanas, ata o 4 de outubro. O pasado martes as convocadas sometéronse ás probas PCR dentro do protocolo de prevención da COVID-19.
Tal e como apuntan desde a Federación Española de Rugby, a lista de Yunque non ten grandes sorpresas, destacan a primera aparición de Carmen Castellucci, unha prometedora xogadora que tiña debutado coas Leonas 7s Sub 18 e que impresionara pola súa altura e potencia.
Tamén cabe destacar o regreso de Beth Segarra e Paula Gil, ambas con tan so unha cap. Co mesmo número de partidos oficiais, volverá a estar Amalia Argudo, quen xa comenzara a rodaxe competitiva na Elite 1 francesa con Stade Toulousain, ao igual que as súas compañeiras que xogan no AS Bayonnaise e Bobigny 93, Maika Brust e Saioa Jaurena e Isabel Macías e Lourdes Alameda, respectivamente.
O Campionato Europeo, condición sine qua non para ir ao Mundial
Non hai que esquecer que revalidar o título de campioas de Europa é obligatorio para que as Leonas XV estean presentes na fase de clasificación europea para a Rugby Wold Cup New Zealand 2021. A cita mundialista está programada para decembro. Alí agardan os tres primeiros membros do del 6 Nacións que non se clasificaron automaticamente desde a anterior Rugby World Cup, é dicir: Irlanda, Italia e Escocia.
