A xogadora de baloncesto internacional Paula Ginzo, actualmente nas filas do C.B. Jairis, foi recibida esta mañá polo presidente da Deputación de Ourense, Luis Menor, no Pazo Provincial.
Menor felicitou á pivote ourensá polos seus logros profesionais, entre os que destaca a súa participación en dous Campionatos de Europa (conseguindo unha prata en 2023) e nos Xogos Olímpicos de 2024.
Paula Ginzo xa comezou a xogar na posición de ala nos propios Salesianos de Ourense, ata que o equipo se desfixo e pasou ao Carmelitas Vedruna. Con 14 anos medía xa preto de 1,90 metros e destacaba no equipo ourensán e nas categorías inferiores da selección galega. Neste sentido, o presidente provincial puxo en valor o seu “éxito continuado” dende os seus inicios ourensás.
Ginzo comezou a xogar na posición de ala nos Salesianos de Ourense, ata que o equipo se desfixo e pasou ao Carmelitas Verduna. Con 14 anos medía xa preto de 1,90 metros e destacaba no equipo e nas categorías inferiores da selección galega.
Recentemente, Ginzo foi campioa da Copa da Raíña e seleccionada para xogar a Eurobasquet 2025. O presidente provincial destaca o “orgullo” de “referentes ourensás” como é o caso de Paula Ginzo e subliña a importancia do deporte como un dos “grandes eixos estratéxicos” da Deputación de Ourense.
Dilatada experiencia de Paula Ginzo a pesar da súa mocidade
Paula Ginzo comezou a competir en Liga Feminina 2 no Segle XXI. Tras unha boa tempada na mesma categoría co Rivas Ecópolis, a galega conseguiu a súa primeira oportunidade en Liga Feminina Endesa da man do Movistar Estudiantes.
Tras unha gran tempada, pasou a formar parte do Nissan Al-Qázeres de Extremadura durante dous anos. Os seus bos números fixeron que o Lointek Gernika puxera no seu punto de mira nesta xoia nacional, equipo co que viviu a súa primeira experiencia en EuroCup Women.
Dúas tempadas despois, Paula Ginzo incorporouse ao Durán Maquinaria Ensino de Lugo, equipo no promediou 12 puntos, 6 rebotes e máis de 13 de valoración por partido. A internacional española comezou a tempada 2023/2024 co Barça CBS, onde foi a xogadora máis valorada do plantel, sendo esencial para asegurar a permanencia do club catalán na máxima categoría.
O seu contrastado talento e evidente eficiencia valéronlle a chamada de Rubén Burgos para reforzar o xogo interior do Valencia Basket tras a lesión de Raquel Carrera, conseguindo o título da liga Feminina Endesa do pasado ano tras impoñerse ao Perfumerías Avenida.
Nestes intres forma parte da disciplina do Hozono Global Jairis, actualmente quinto na fase regular da LF Challenge 2024/2025.
