Paula Canedo, subcampioa de Europa no total olímpico ao erguer 145 quilos

A haltera galega Paula Canedo, debutante no Campionato de Europa Sub-15 e Sub-17, rematou a competición como segunda no total olímpico con 145kg, segunda en arrancada ao levantar 67kg, batendo o récord de España nestas dúas modalidades. Ademais foi terceira en dous tempos levantando 78 quilos.

A competición continental celébrase na cidade polaca de Ciechanow. Paula Canedo, do CH Coruña competiu na categoría de peso corporal de menos de 76 quilos.

A deportista herculina acudía por primeira vez coa Selección Española, de feito esta foi a súa primeira participación nun Campionato de Europa, pero isto non se notou na súa actuación. Xa na primeira modalidade, a de arrancada realizou todos o seu tres intentos válidos. Chegou ata os 67 quilos e conseguiu a medalla de prata da modalidade. Esta marca, á vez supuxo un novo récord de España na súa categoría.

Bronce en dous tempos para Paula Canedo

Na modalidade de dous tempos, Canedo seguíu coa boa serie e con dous movementos validos chegou ata 78 quilos conseguindo a medalla de bronce.

Finalizado o concurso a haltera galega Paula Canedo remataba por proclamarse subcampioa de Europa na súa categoría na modalidade de no total olímpico con 145 quilos, o que supón un novo récord de España.

A campioa foi a rusa Mariya Kozireva e o terceiro banzo do podio ocupouno Emely Raud de Estonia.

Ruth Fuentefría, bronce no Europeo Sub-17 de halterofilia