A Xunta de Galicia vén de lanza o primeiro Plan de patrocinio dos equipos de alta competición femininos de Galicia. Trátase dun plan que xurde da colaboración entre a Consellería de Emprego e Igualdade e a Secretaría Xeral para o Deporte e conta cun orzamento de 150.000 euros que traballa na loita pola igualdade efectiva. Dez son os clubs galegos que cumplen os requisitos e pertencen as disciplinas deportivas de fútbol, baloncesto, fútbol sala, balonmán, sótbol e rugby. Os clubs beneficiarios son tres coruñeses, tres pontevedreses, dous lucenses e dous ourensáns.
O Plan de Patrocinio da Xunta aos equipos de alta competición femininos galegos é unha liña de actuación paralela ao undécimo Plan de Patrocinio Publicitario dos Equipos de Alta Competición de Galicia, cuxa primeira fase foi resolta o pasado 17 de xuño cun orzamento de máis de 2 millóns de euros e cunha maior presenza dos equipos femininos ou mixtos (50) sobre os masculinos (44), según informa a Xunta de Galicia.
Este patrocionio que a Secretaría Xeral para o Deporte, a través da Fundación Deporte Galego, vén de publicar xurde do acordo de colaboración asinado o pasado mes de xullo entre a Secretaría Xeral da Igualdade e a Fundación Deporte Galego, para dar cumprimento ao Pacto de Estado contra a violencia de xénero a través de medidas como desenvolvemento deste Plan de Patrocinio para equipos femininos.
Estas medidas están encamiñadas á loita pola igualdade efectiva de mulleres e homes, tendo en conta o impacto dos clubs nos medios de comunicación, nos espazos deportivos, e nas redes sociais, e, en particular, respecto das nenas e nenos, adolescentes e mocidade, que son destinatarios principais das medidas do devandito Pacto de estado.
Unha iniciativa para loitar pola igualdade efectiva
Os obxectivos do Plan son previr e sensibilizar fronte a violencia de xénero e a loita pola igualdade efectiva entre mulleres e homes, transmitindo contidos relacionados coa loita pola tolerancia, igualdade e non violencia de xénero no deporte e na vida, entendendo esta actuación como un medio fundamental para a educación da sociedade sen discriminación e que incumbe a todas as persoas.
A Fundación Deporte Galego e a Secretaría Xeral da Igualdade acordaron o desenvolvemento de campañas específicas contra a violencia de xénero e a igualdade entre mulleres e homes en espazos deportivos, que deben ser desenvoltas pola Fundación Deporte Galego.
A estes efectos, na loita pola igualdade efectiva de mulleres e homes, e tendo en conta tamén o impacto destes clubs nos medios de comunicación, nos espazos deportivos, e nas redes sociais, e, en particular, respecto das nenas e nenos, adolescentes e mocidade, que son destinatarios principais das medidas do Pacto de estado contra a violencia de xénero, a Fundación Deporte Galego co apoio da Secretaría Xeral da Igualdade pon en marcha esta iniciativa de patrocinio.
O deporte, escaparate da loita contra a violencia de xénero
Os obxectivos deste Plan son, en consecuencia, os de prevención e sensibilización fronte a violencia de xénero e a loita pola igualdade efectiva entre mulleres e homes, configurándose a Secretaría Xeral da Igualdade da Vicepresidencia e Consellería de Presidencia, Administracións Públicas e Xustiza como patrocinador oficial do plan xunto á Fundación Deporte Galego.
A idea é que “todos os equipos obxecto desta actividade de patrocinio demostrarán que o Deporte Galego é un escaparate perfecto para poñer en valor a importancia do deporte como medio de fomento da actividade física saudable e como ferramenta de loita pola tolerancia, igualdade e non violencia de xénero no deporte e na vida”.
O plan comprenderá o tempo que resta do ano 2020 e implicará transmitir contidos relacionados coa loita pola tolerancia, igualdade e non violencia de xénero no deporte Plan de Patrocinio dos Equipos de Alta Competición Femininos de 1º Máximo Nivel Estatal de Galicia 2020 e na vida, entendendo esta actuación como un medio fundamental para a educación da sociedade sen discriminación e que incumbe a todas as persoas.
O plan contempla as actuacións que os clubs beneficiarios do plan se comprometen a realizar para colaborar coa Fundación Deporte Galego e a Secretaría Xeral da Igualdade na difusión das campañas específicas en contra da violencia de xénero e a favor da igualdade, así como os importes a percibir polos clubs en función das características propias das competicións estatais de 1º máximo nivel nas que participan.
Clubs beneficiarios e orzamento
O Plan conta cun orzamento de 150.000 euros (149.997,65 euros) e foi comunicada a apertura do prazo de solicitudes ás entidades deportivas que na tempada 2019/2020 contaron con equipos deportivos en competicións femininas de primeiro máximo nivel estatal.
Atendendo ao obxecto do Plan de Patrocinio dos Equipos de Alta Competición Femininos de 1º Máximo nivel Estatal de Galicia, “son obxecto deste Plan de Patrocinio aquelas entidades deportivas galegas con rexistro na Secretaría Xeral para o Deporte que na tempada 2019/2020 contaron ou contan con equipos deportivos que participaron ou participan en competicións femininas de 1º máximo nivel estatal e que cumpren cos seguintes requisitos”:
- Estar estrutura por niveis regulados con ascensos e/ou descensos.
- Desenvolverse en 7 ou máis xornadas.
- Deben de participar no espazo de competición de forma simultánea 5 ou máis integrantes do mesmo equipo regulamentariamente.
Neste sentido, os dez clubs convidados a participar do plan foron o Durán Maquinaria Ensino Lugo CB na modalidade de baloncesto; o Conservas Orbe Rubensa CB Porriño e o CB Atlético Guardés na modalidade de balonmán; o RC Deportivo ABANCA na modalidade de fútbol: o Ourense Envialia CF S.A.D., o Pescados Rubén Burela FS, o Poio Pescamar FS, o Cidade de As Burgas FS, na especialidade de fútbol sala; o Club de Arquitectura Técnica da modalidade de rugby e o Club Béisbol e Sófbol Cambre da especialidade de sófbol.
En paralelo co Plan de Patrocinio Publicitario dos Equipos de Alta Competición
Segundo explica a Xunta de Galicia, “o Plan de Patrocinio dos Equipos de Alta Competición Femininos de Primeiro Máximo Nivel Estatal de Galicia 2020 é unha liña de actuación paralela ao undécimo Plan de Patrocinio Publicitario dos Equipos de Alta Competición de Galicia, cuxa primeira fase foi resolta o pasado 17 de xuño cun orzamento de máis de 2 millóns de euros grazas á colaboración da Xunta de Galicia e ABANCA”.
Nesta primeira fase dirixida ás entidades que competiron en modalidades ou especialidades deportivas de máximo nivel estatal en categoría absoluta ou sénior ou previa á absoluta entre 2019 e 2020, tamén cabe destacar unha maior presenza dos equipos femininos (46) e mixtos (4) sobre os equipos masculinos (44).
Na segunda fase do plan, que comezará nos vindeiros meses, estímase que outros 113 equipos galegos de alto nivel sexan convidados a participar deste plan da Secretaría Xeral para o Deporte. Tanto o orzamento total do plan, o número de equipos subvencionados e o número de equipos femininos están a experimentar un incremento constante desde a súa primeira edición, na tempada 2009-2010.
