- O Baxi Ferrol completa o persoal coa que vai competir na liga Challenge, coa incorporación da pivote malagueña Patricia Soler.
É unha xogadora de vinte e oito anos de idade, que mide 1.86 metros e que conta cunha ampla traxectoria nas tres principais categorías do baloncesto español, competindo en Primeira con Conquero Huelva e Movistar Estudiantes, en Liga Challenge a campaña pasada no Real Canoe, e nese mesmo equipo, no Picken Claret, Baía Sanagustín, Leganés e Barakaldo en Liga 2.
Ademais, foi campioa de Europa U20 con España e tamén é unha habitual das convocatorias 3×3, gañando este verán varios torneos do circuíto Herbalife co Azuqueca.
Patricia Soler xogou a pasada campaña unha media de vinte e un minutos, nos que anotou 7,4 puntos e capturou 5,5 rebotes.
Patricia Soler: “O BAXI sempre estivo na miña axenda”
A xogadora comenta sobre a súa incorporación ao cadro ferrolán que “a miña elección polo BAXI Ferrol é algo que sempre tiven presente. Tanto club como técnico sempre estiveron na miña axenda, por unha ou outras circunstancias non puido ser ata o de agora, do que estou moi contenta”.
Patricia Soler: “Tanto club como técnico sempre estiveron na miña axenda, por unha ou outras circunstancias non puido ser ata o de agora, do que estou moi contenta”
En canto ao que pode darlle ao conxunto, a pivote andaluza destaca que “ao equipo podo achegarlle traballo e máis traballo, unión, tanto dentro como fóra da pista, e espero que efectividade. Sei que é un gran equipo e avecíñanse retos importantes. Espero devolver con fartura a confianza que o club depositou en min”.
Pola súa banda, o técnico, Lino López, comenta sobre a nova compoñente do cadro ferrolán que “é unha xogadora con experiencia na categoría e en diferentes equipos en España e categorías inferiores da selección española. É unha xogadora interior moi intensa en todas as súas accións, tanto ofensivas como defensivas, e con talento para finalizar preto do aro”.
Lino López opina sobre Patricia Soler que é: “unha xogadora con experiencia na categoría e en diferentes equipos en España e categorías inferiores da selección española. É unha xogadora interior moi intensa en todas as súas accións, tanto ofensivas como defensivas, e con talento para finalizar preto do aro”
Ata a fecha, o equipo ferrolán do BAXI Ferrol compóñeno a finlandesa Marianne Kalin, a americana Jenna Allen, as hispano-arxentinas Andrea Boquete e Julieta Mungo, a cántabra Marta Gómez, a valenciana Irene Garí, a catalá Claudia Soriano, a canadense Jessica Fequiere, a alacantina Ángela Mataix, a serbia Nevena Dimitrijevic, así como a esta última incorporación, malagueña Patricia Soler.
O número de persoas socias ronda do BAXI Ferrol as 700 persoas
Por outro parte, segue aberta a campaña de abonados para poder renovar ou darse de alta no club departamental. Polo momento, renovaron o seu abono 631 persoas, mentres que se produciron 67 altas, o que fai un total de 698 persoas.
Todas as persoas interesadas poden pasarse pola Taberna Arauxa, no Cantón de Molins 6, de martes a domingo de 12.00 a 22.00 horas. Tamén se poden facer as xestións a través do correo electrónico abonadosuniferrol@gmail.com.
