A xogadora galega do Dépor ABANCA, Patri López deixou as botas a un lado para coller o mando da videoconsola e conseguir a maior goleada dos oitavos de final no ‘GamHer’, un torneo enéfico de fútbol femenino no videoxogo FIFA 20. A galega conseguiu gañar por 10-6 ao Madrid CFF dirixido or Paola Ulloa, o que se traduce na maior achega solidaria da primeira fase.
A dianteira galega, pertenece ao plantel do Deportivo ABANCA B, pero foron varias as ocasións que deu o salto e entrou na convocatoria do primeiro equipo dirixido por Manu Sánchez. Agora, Patri ponse aos mandos para representar ao deportivismo neste torneo benéfico online.
Nesta primeira fase anotáronse unha totalidade de 60 goles, o que supón unha suma de 30.000 euros que irá destinada para a doazón de material de protección ao persoal sanitario a través da ONG Médicos do Mundo.
O primeiro torneo feminino online de FIFA 20 organizado por a Real Federación Española de Fútbol e Iberdrola con xogadoras da Liga Iberdrola xa disputou a rolda previa coa representación do fútbol feminino galego nas mans de Patri López. Nela, os emocionantes duelos depararon os seguintes resultados:
| PARTIDO | RESULTADO |
| Atlético de Madrid (Olga García) – UDG Tenerife Egatesa (Cindy García) | 4-2 |
| Deportivo Abanca (Patricia López) – Madrid CFF (Paola Ulloa) | 10-6 |
| FC Barcelona (no participa) – RCD Espanyol de Barcelona (Anna Torrodà) | Clasificado el RCD Espanyol |
| EDF Logroño (Isabel Longa) – Real Sociedad (Ana Tejada) | 4-0 |
| Sporting Huelva (Cinta Rodríguez) – Real Betis Balompié (Rosa Márquez) | 4-7 |
| CD Tacón (Gema Prieto) – Rayo Vallecano (Sheila García) | 2-4 |
| Sevilla FC (Raquel Pinel) – Athletic Club (Eunate Arriaza) | 5-3 |
| Levante UD (Sandra Torres) – Valencia FCF (Marta Carro) | 4-5 |
Esta choiva de goles trae as mellores consecuencias, xa que, por cada gol marcado, Iberdrola donou 500 € para dotar de material de protección ao persoal sanitario a través de a ONG Médicos do Mundo. Os marabillosos 60 goles anotados polas xogadoras da Primeira Iberdrola lograron sumar 30.000 € para tan boa causa.
Ademais, ao longo do evento incentivaranse as doazóns de particulares, empresas e público xeral que se queiran unir á causa de Médicos do Mundo, que se poderán realizar a través da plataforma WORLDCOO.
Próximas roldas
Os cuartos de final e semifinais terán lugar o día 1 de maio a partir das 18.00 horas e a final nacional está prevista para o día 3 de maio á mesma hora. A partir dese momento, comezará a fase internacional, coa final que enfrontará ás dúas seleccións, a española e a estranxeira, a través das súas xogadoras representantes, o 8 de maio.
De gañar o seu enfrontamento contra o Atlético de Madrid de Olga García, a deportivista Patri López meteríase na semifinal deste apasionante e benéfico torneo de eSports.
