O Viaxes Amarelle competirá na vindeira tempada na Segunda División de futsal, pero o fará sen Patri Corral nas súas filas.
A xogadora coruñesa deixa o club da súa cidade, co que deu os seus primeiros pasos, despois de dúas tempadas nas que foi partícipe do ascenso á máxima categoría e sufriu un novo descenso.
Na súa traxectoria, Corral pasou primeiro polo propio equipo coruñés para recalar despois no Lacturale Orvina FSF, no Poio Pescamar e no Valdetires Ferrol, antes de volver ao club herculino.
A raíz da súa marcha, o Amarelle despediu a Corral agradecéndolle “todo o seu traballo e compromiso durante estas dúas últimas tempadas” e desexándolle “MOITA SORTE”.
Esta é a cuarta baixa do club herculino, que polo de agora non anunciou ningunha fichaxe.
Martita, Anna Escribano e Sofía Rodríguez non seguirán no Viaxes Amarelle
