Patri Cabrera renova co BAXI Ferrol e cumprirá a súa sétima campaña vestindo a camiseta azulona. “Despois de seis tempadas aquí non me podía perder a volta a Liga Feminina Endesa. Cando ascendimos a miña idea era quedarme e desfrutar do conseguido”, declarou a capitá.
Hai tres cursos a xogadora prometeu volver á máxima categoría, a LF Endesa, e cumpriu o seu obxectivo. Desta forma, non dubidou seguir vinculada ao BAXI Ferrol.
De cara ao vindeiro curso, Cabrera confía no equipo de Lino López, pero advirte que será necesaria unha adaptación ao esixente nivel da máxima categoría. “Nos últimos anos subiu moito o nivel, sobre todo fisicamente, así que só espero moito esforzo e traballo en equipo para conseguir a permanencia o antes posible”, sinala”.
Patricia Cabrera: “Espero que desfrutemos moito en A Malata”
A capitá recorda tamén o papel da afección, á que agradece o seu incondicional apoio: “Quero darlles as grazas porque nunca deixaron de crer en nós. Recordo que o ano do descenso non deixaron de vir nunca aos partidos así que este ascenso o merecen igual que nós. Espero que desfrutemos moito en A Malata”.
Co anuncio da súa renovación, Cabrera convértese na terceira xogadora confirmada polo BAXI Ferrol para a próxima tempada, tras confirmar a continuidade de Jenna Allen e Natalia Rodríguez.
Ferrol, el Uni y ella.
La tercera jugadora del BAXI Ferrol 2021-2020 es…#SienteElUni#DisfrutarDelCamino pic.twitter.com/fi6ZzqFXfN
— Baxi Ferrol (@UniFerrol) May 10, 2021
