Este pasado fin de semana, os días 16,17 e 18 de abril levouse a cabo a primeira tecnificación da modalidade libre individual de patinaxe impartida polo técnico internacional World Skate: Óscar Molis, na localidade de O Pino, O Pedrouzo.
Patinadoras e patinadores das categorías alevín a senior participaron nesta convocatoria acompañados polos seus adestradores e adestradoras, segundo informa a Federación Galega de Patinaxe.
Desenvolvéronse sesións de técnica de saltos, piruetas e skating skills e todos os participantes tomaron parte da sesión con moita ilusión ao longo destas xornadas de grande interés marcándose nelas as liñas xerais de traballo que serán tidas en conta nos seus adestramentos diarios.
Pola súa parte, adestradoras e adestradores tiveron a oportunidade de actualizar os seus coñecementos na charla que Óscar Molis lles ofreceu aportándolles os seus consellos e experiencia.
Desde a Federación Galega de Patinaxe agradecen “ao Concello de O Pino a súa colaboración no empréstimo das súas instalacións deportivas para o desenvolvemento deste proxecto deportivo federado”.
