Vencer ao Sala Zaragoza pode considerarse un paso de xigante nas aspiracións do ENCE Marín Futsal de manter a categoría. As mañas son rivais directas nesa lea e quedan así atrás co 3-1 colleitado esta fin de semana polas galegas nas Rañas.
Chegaba o Sala Zaragoza con novidades nas súas filas. Dúas fichaxes para reforzarse nesta recta final de Liga. Giba e Furia non abondaron para dobregar ás futbolistas do ENCE Marín Futsal. Sumaron ademais as xogadoras que adestra Raúl Jiménez o seu terceiro triunfo consecutivo.
De principio a fin o encontro estivo dominado polo ENCE Marín Futsal que so tivo rival no Sala Zaragoza un par de lances no arranque do partido.
O primeiro gol chegaría nas botas de Café que lle gañaba a partida a gardameta visitante, Etayo, no unha para unha. E non foi cuestión de que o Sala Zaragoza baixase os brazos, é que as galegas era superiores e contaban cunha efectividade que non daba lugar á reacción maña.
O segundo tanto das galegas asinouno Gaby. Antes do descanso recurtarían distancias as futbolistas do Sala Zaragoza a través de Rapha Martins que transformaba en gol o seu disparo desde a frontal a pase de Mirian.
Con ese resultado o escenario podería mudar de cara á segunda parte, pero non foi así. O ENCE Marín Futsal dominou o cruce tamén no segundo acto. O 3-1 definitivo foi obra de Mar Fernández.
O colista, seguinte rival do Marín
A vindeira xornada o conxunto de Marín visita ás colistas, o Joventut d’Elx FS, polo que, canda menos sobre o papel, deberan puntuar. Se o fan ou non, verase sobre a pista de Elche.
FICHA TÉCNICA
3) ENCE MARÍN FUTSAL: Silvia Aguete; Ceci, Café, María León y Pau (quinteto inicial). También jugaron, Gaby, Adriana, Lucía, Mar Fernández, Inés Mayán, Dani Fleitas y Marta Gago,
1) SALA ZARAGOZA: Etayo; Antía, Carmen Alonso, Rapha Martins y Boix (quinteto inicial). También jugaron Mirian, Furia y Giba.
GOLES: 1-0: Café, 6′; 2-0: Gaby, 10′; 2-1: Rapha Martins, 20′; 3-1: Mar, 32′.
EQUIPO ARBITRAL: Roberto Amor Vizoso e Borja Darriba Villamor. Amostaron cartón amarelo a Ceci e Jessy, polo ENCE Marín Futsal e a Carmen Alonso polo Sala Zaragoza.
INCIDENCIAS: Partido correspondente á 21ª xornada da Primeira División do fútbol sala feminino da RFEF disputado no pavillón da Raña.
