O segundo Derbi das Costas da semifinal galega polo título na Primera División do FutSalFem da RFEF foi tamén para as Guerreiras Laranxas. O Pescados Rubén Burela goleaba o Poio Pescamar 9-3 no Pavillón Municipal Vista Alegre de Burela.
No outro encontro da eliminatoria, MSC Torreblanca – Atlético Navalcarnero, o conxunto de Melilla (que adestra o técnico galego Morenín) conseguiu empatar o encontro e vencer nos penaltis provocando un terceiro partido que se xogará en Navalcarnero o vindeiro martes e que decidirá quen se enfrontará ao Pescados Rubén Burela FS na segunda e última eliminatoria dos play-off polo título de Liga.
Unha situación ideal para o Burela FS xa que non sufrirá o desgaste dun terceiro partido mentres que o equipo ao que se enfrontará na final si o fará.
O Poio Pescamar, que fixo unha tempada incrible, queda sen opcións de gañar a liga a o non poder as conserveiras coas Guerreiras Laranxas que dominaron o encontro practicamente os 40 minutos cunha segunda parte arrasadora que non permitiu ao rival levantar cabeza. Con todo, as vermellas non deixaron de loitar ata o último minuto.
Viviuse unha primeira parte máis tensa para o Pescados Rubén Burela FS, foi máis igualada e prudente por parte de ambos equipos. Con todo, comezou o equipo mariñán con forza cun gol de Irene Samper no arranque do choque.
Adiántase o Burela e Empata o Poio Pescamar
Continuou o xogo con oportunidades para ambos os equipos pero sen atopar a portería. Unha moi clara de Peque no minuto 11 despois dunha socorrida recuperación de Irene Samper na súa portería complementando a Caridad. No minuto 17 chega o empate do Poio Pescamar cun gol de Anna. Chega o descanso cun tenso marcador 1-1.
Na segunda parte comeza o espectáculo do Pescados Rubén Burela FS cun gol de Peque no minuto 21 despois dun pase de Emilly que a mete na área rival onde a capitá remata e pon ao seu equipo en vantaxe 2-1.
Dous minutos despois Dany continua avantaxando ao Pescados Rubén Burela FS cun gol tras unha boa combinación con Emilly.
Segundos despois nun saque de banda no que Patricia pasa o balón a Jozi, unha oportuna Laura Uña róuballe o balón á porteira brasileira e encaixa o 3-2.
Pero pouco dura a alegría do equipo pontevedrés, no minuto 24 de novo Peque nunha xogada individual consegue o 4-2.
Tras unha falta perigosa e dobre paradón de Jozi chega o 4-3 despois dun corner cara atrás onde recolle Luci que pasa o balón e remata unha Irene García moi ben posicionada.
No minuto 26 expulsan a Luci por dobre amarela pero non é ata o 32 no que Irene Samper anota o 5-3 despois dun erro de Elena á que Irene rouba o balón e cóallo na portería.
No minuto 33 Emilly consegue o 6-3 tras un pase de Dany que recibe desde a outra punta da pista de Irene Samper e colócalla a Emilly para unha boa xogada de finalización da nova promesa brasileira.
Dous minutos despois continúa Dany co 7-3 soa ante a porteira e pouco despois repítese unha escena similar con Patricia que anota o 8-3. Remata o recital de goles Saki, co 9-3 final no minuto 37 tras un pase de Antía que consegue exceder á porteira do Poio Pescamar. Termina o encontro e o Pescados Rubén Burela FS está na final para optar ao que sería o seu cuarto título dos catro disputados esta tempada.
Julio Delgado: “A actitude foi extraordinaria”
Julio Delgado, moi orgulloso do tabajo realizado, recoñece unha primeira parte máis tensa “aínda que nos fomos con empate a uns fómonos algo enfadados porque tivemos moitísimas ocasións e concedemos un gol moi infantil, pero a segunda parte foi un rodillo e voume supercontento, a actitude foi extraordinaria”.
Sobre a final “se pasa Futsi teremos o factor cancha en contra, se pasa Melilla terémolo a favor, a verdade é que as eliminatorias están moi igualadas. O noso obxectivo era estar aí, na final, creo que chegamos moi ben, en bo momento, con moi boas sensacións. Facendo unha semifinal moi completa e despois de perder o último partido de Liga, perder o factor cancha creo que o resolvimos moi ben e imos con moita moral e moi boas sensacións para disputar a final”.
Luis López-Tulla: “A tempada foi de dez”
O adestrador do Poio Pescamar, Luis López-Tulla facía unha valoración agria e doce ao final do partido. Explicaba que a derrota neste segundo partido foi “unha derrota moi dura para pechar o ano. Non o merecemos. Supoño que será a sensación de marchar con esta goleada”.
Na súa análise explicaba o técnico das conserveiras que este segundo partido das semifinais do play-off polo título de Liga foi “o noso mellor partido en ataque e o peor en defensa. Houbo un momento no que a raíz da expulsión no último tramo de partido so defendíamos”.
Apuntaba López-Tulla: “É unha aprendizase que agora doe. A tempada póñolle unha nota de 10. É unha pena que non a podamos valorar por gañar algo. A tempada é de dez. O equipo medrou moitísimo. Síntoo por elas. Son o máximo responsable do que pasa. É un momento fastidiado aínda que fixeramos unha tempada boa”.
Declaracións postpartido de Luis López-Tulla 🎙#PoioPescamar #25AnosDePoioFS #BurelaPoio pic.twitter.com/LZGCVTbN9g
— Poio Pescamar FS (@PoioPescamarfs) June 10, 2023
As seareiras do Poio Pescamar seguiron apoioando ás xogadoras incluso ao chegar a Poio.
O maior éxito desta campaña sodes vós 🤩
A #MareaVermella recibiu ó equipo como campioas que son 🥁
Logo de seis horas de bus e todo o día animando (e a tempada), equipo e afección despediron o curso xuntos ❤️#PoioPescamar #25AnosDePoioFS pic.twitter.com/vCdYk4zw4x
— Poio Pescamar FS (@PoioPescamarfs) June 10, 2023
FICHA TÉCNICA
9) PESCADOS RUBEN BURELA FS: Caridad (P), Dany, Peque (C), Irene Samper, Emilly – cinco inicial- Saki, Jenny, Antía Pérez, Patricia, Jozi Oliveira (P).
3) POIO PESCAMAR FS: Elena (P), Laura Uña, Martita, Anna, Elena Aragón, – cinco inicial -, Agostina, Dani Sousa (C), Irene, Rocío Gómez, Luci, Sandra Buzón (P)
GOLES: Min.1 Irene Samper 1-0; min.17 Anna 1-1; min.21 Peque 2-1; min.22 Dany 3-1; min. 23 Laura Uña 3-2; min.23 Peque 4-2; min.24 Irene 4-3; min.31 Irene Samper 5-3; min.32 Emilly 6-3; min.34 Dany 7-3; min.35 Patricia 8-3; min.37 Saki 9-3.
EQUIPO ARBITRAL: Roberto Amor, Jose Manuel Carreira, Andrea de Luis Iglesia. Amosaron cartón amarelo no min.2 Anna, min.4 Dani Sousa, min.18 Luci, min.25 Luci, min.29 Julio Delgado (entrenador PR BurelaFS), min.37 Patricia.
