O Maristas Coruña asinou unha contundente vitoria na casa fronte ao Smartlog Ointxe (87-64), mentres que o Mariscos Antón Cortegada sacou adiante un duelo moi axustado ante o Ibaizabal, ao que superou pola mínima (58-57), tamén como local, nesta duodécima xornada da LF2.
Pola súa banda, o C.B. Arxil, o outro representante galego na LF2, xa disputara o seu encontro desta xornada no mes de novembro, no que o CB Arxil caeu ante o Romakuruma U.E. Mataró (64-49).
O Maristas Coruña recupera o liderado
O Maristas Coruña volve ocupar o primeiro posto da clasificación despois dunha salientable vitoria ante o Smartlog Ointxe. As coruñesas impuxéronse con autoridade ao conxunto vasco, acadando un contundente 87-64 que lles permite situarse de novo á cabeza da táboa.
Ver esta publicación en Instagram
Con este novo triunfo, as xogadoras do Maristas Coruña reafirman a súa condición de candidatas ao título ligueiro, aínda que o Ibaizabal, empatado a puntos, mantense moi preto na loita polo liderado.
O seu próximo partido será xa en 2026, á volta do parón de Nadal. O cadro herculino medirase ao Mipelletymas BF León o día 10 de xaneiro, ás 20:30 h, en campo rival.
Non se espera un encontro sinxelo, xa que as leonesas ocupan a terceira posición da liga, cun total de 9 partidos gañados dos 12 disputados, e todo parece indicar que será un duelo moi igualado e cun alto nivel de xogo.
FICHA TÉCNICA
PARCIAIS: 23-19, 23-19, 26-20, 25-6
EQUIPO ARBITRAL: Andrés Esteban Domínguez e Nikita Ergin.
INCIDENCIAS: Partido correspondente á 12ª xornada da LF2, disputado no Maristas Col. (A Coruña).
Vitoria pola mínima do Cortegada
O Mariscos Antón Cortegada venceu pola mínima (59-58) ao Ibaizabal nun duelo moi pelexado. As de Vilagarcía chegaban ao encontro con ansias de vitoria despois do seu tropezo en liga ante o Siroko Gijón Basketball na xornada anterior.
Ver esta publicación en Instagram
Esta vez tiñan diante a un dos rivais máis fortes do campionato, un conxunto que se sitúa no segundo lugar da clasificación e é un dos favoritos para levantar o título de liga, pero as galegas non baixaron os brazos e finalmente, aínda que de maneira axustada, asinaron un triunfo de moito mérito, que será unha dosis de motivación extra para seguir na loita por acadar o podio.
O seu vindeiro partido será xa en 2026, e enfronte terán ao Smartlog Ointxe, un rival da media táboa que seguro lles porá as cousas difíciles.
O encontro celebrarase o 10 de xaneiro, ás 20:30 h, en Guipúzcoa.
Ver esta publicación en Instagram
FICHA TÉCNICA
PARCIAIS: 13-13, 15-9, 11-18, 20-18
EQUIPO ARBITRAL: Iris Díaz Feijóo e Javier Moya Ortega.
INCIDENCIAS: Partido correspondente á 12ª xornada da LF2, disputado no Pabellón Municipal Sara Gómez (Vilagarcía de Arousa).
RESULTADOS DA XORNADA DA LF2. GRUPO B
- ROMAKURUMA U.E. MATARÓ – C.B. ARXIL 64-49
- ABRIL ABDA SANFER – TALENOM BOET MATARÓ 58-57
- MARISTAS CORUÑA – SMARTLOG OINTXE 87-64
- MARISCOS ANTÓN CORTEGADA – IBAIZABAL 59-58
- HORBISA SPIRIT GREENKW BARAKAL – MIPELLETYMAS B.F. LEON 63-75
- ROBLES LLEIDA – SIROKO GIJÓN BASKETBALL 63-77
- MANRESA CBF A – TNG BASQUET A 48-57
