Primeiro reto, superado. O Cidade de As Burgas GLS avanza nesta fase competitiva que é o play-off e que ten por obxectivo final o ascenso á Primeira División do Fútbol Sala Feminino da RFEF. As futbolistas que adestra Manolo Codeso superaron por 3-1 á UD La Cruz Villanovense. Agora o equipo verdibranco recolle ao rival do Viaxes Amarelle FSF, o LBTL Futsal Alcantarilla de Murcia.
A Unión Deportiva La Cruz Villanovense soñaba con avanzar cara ao ascenso e chegar por vez primeira á máxima categoría. O Cidade de As Burgas xa sabe o que é xogar na elite, e un ano despois do seu descenso, quere volver. A afección non fallou e encheou as bancadas do Paco Paz.
EMPIEZA EL PARTIDO
Salimos con @LopezLastra4 @lucia_nespereir @soolpedrera @claraafernndez Kiko
VAMOS EQUIPO 💪🏼💚 pic.twitter.com/N2HrnTiJYb— Cidade de As Burgas FS (@cidadeasburgas) June 4, 2022
Lucía Nespereira foi quen inaugurou o marcador cun tanto que subía ao luminoso no minuto 12 e colocaba ás locais por diante (1-0). Abriuse a lata pero non ía ser doado seguir perforando a meta rival. As estremeñas, firmes en defensa, non llelo puxeron doado ás galegas.
Sol Pedrera foi a que acadou o segundo dos goles locais. Houbo que esperar ao paso por vestiarios para que as verdibrancas aumentasen a súa vantaxe ate o 2-0.
O 3-0 foi obra de Ana Lastra, a cancerbeira das ourensás quen, de porta a porta anotaba o terceiro a dez minutos do final do partido (3-0).
Co xogo de cinco chegaría o gol da honra para as extremeñas da UD La Cruz Villanovense (3-1).
Na primeira fin de semana de competición no play-off de ascenso á Primera División do Fútbol Sala da RFEF, dous son os equipos que xa acadaron o premio máximo, o Teldedeportivo que vencía nos penaltis (5-6) ao Feme Castellón, e o Viaxes Amarelle FSF, que deixaba na cuneta ao LBTL Alcantarilla de Murcia cun 4-2 acadado nos 40 minutos de xogo. Galicia xa contará o vindeiro ano, como mínimo con cinco equipos na elite. O Cidade de As Burgas GLS ten na súa man que sexan media ducia.
O seguinte reto das ourensás será o vindeiro sábado 11 de xuño na pista do La Boca Te Lía Futsal Alcantarilla. A outra eliminatoria será entre Feme Castellón e Almagro, na mesma data.
