- Pascual Saurín é a persoa elixida para ser o arquitecto do presente e do futuro do CV Arenal Emevé. O técnico, actual seleccionador estatal feminino, conta con máis 25 anos de experiencia como adestrador, con decenas de títulos no seu haber.
- “Se queremos formar aos e as mellores de España temos que apostar polo número uno. Non me cabe a menor dúbida de que Pascual Saurín é quen debe levar o temón deportivo do noso club”, apunta o director xeral do CV Arenal Emevé, Rubén López.
O actual seleccionador español feminino, Pascual Saurín, será o arquitecto do presente e do fututo do CV Arenal Emevé. O técnico de Albanilla (Murcia) asume o cargo de director deportivo da entidade, que compaxinará co de adestrador do equipo da liga Iberdrola.
O Pavillón Municipal de Lugo será o novo fogar dun dos adestradores máis relevantes da historia do Vóley en España: Pascual Saurín. A traxectoria nos bancos do novo preparador das Loitadoras fala por se soa: máis de 25 tempadas dirixindo a clubs, con ascensos á máxima categoría, varias decenas de títulos entre nacionais e internacionais e destacadas actuacións da Selección Española na Golden League.
Ademais de todo iso, o valor do novo responsable deportivo do club lucense como formador de novos talentos é incuestionable, tras o seu paso pola Selección Permanente e dirixir ás categorías inferiores do combinado nacional.
O CV Arenal Emevé, que preside Bibí Bouza, pon nas mans do técnico que ha modelado aos grandes talentos nacionais dos últimos anos o perfeccionamento e afianzamento da metodoloxía de traballo das súas categorías inferiores. O traballo do grupo de técnicos de categorías inferiores seguirá as liñas dun plan estratéxico no que traballará Pascual Saurín.
Neste sentido o director xeral do club, Rubén López, apunta que “se queremos formar aos e as mellores de España temos que apostar polo número uno. Non me cabe a menor dúbida de que Pascual é quen debe levar o temón deportivo do noso club”.
Rubén López, director xeral do CV Arenal Emevé: “Se queremos formar aos e as mellores de España temos que apostar polo número uno. Non me cabe a menor dúbida de que Pascual é quen debe levar o temón deportivo do noso club”.
O director xeral do club, Rubén López, tamén mostra a súa satisfacción pola chegada de Pascual Saurín ao equipo de Liga Iberdrola de “un dos técnicos con máis experiencia no noso campionato, que ademais forxou equipos que marcaron época”.
A traxectoria de Pascual Saurín
Despois dunha exitosa carreira como xogador en clubs como Son Amar e Unicaja Almería, o técnico de Albanilla comezou a súa carreira nos bancos en Vóley Murcia.
Despois de tres tempadas en Escáner Cartagena e exercer como adestrador asistente na Selección Absoluta Masculina, Pascual Saurín dirixiu a época dourada do Grupo Murcia 2005. Alí gañou 3 Superligas, 3 copas, 2 Supercopas e alcanzou o éxito internacional na CEV Cup. A súa seguinte experiencia foi no Oxidoc Palma durante unha tempada, e máis tarde devolveu a Vóley Murcia á máxima categoría.
Desde 2013 compaxina o seu labor como seleccionador cos bancos en clubs. Primeiro no seu periplo pola liga belga, na que logrou dous subcampeonatos e un terceiro posto, máis tarde en Gran Canaria; cunha Liga Iberdrola e unha Supercopa no seu peto e por último na súa última experiencia en Algar Surmenor a tempada pasada.
