Un único partido xógase en Galicia dos catro da División de Honra Prata. O Carballal recibe sobre a súa pintura ao Lanzarote Zánzomas. SAR Rodavigo, Rubensa Porriño e CdeC Lavadores viaxan este fin de semana con destino moi diferentes: Oviedo, Lanzarote e León.
O Rubensa Porriño visita o líder
O Porriño desprázase este sábado (29 de febreiro, ás 13.00 horas) para enfrontarse o líder da clasificación, o Lanzarote San José Obrero. Un equipo que conta con “xogadoras de gran calidade” destacando sobre todo ” a súa faceta goleadora”, comentaba o adestrador das porriñenses, Miguel Sánchez para As Nosas.
Vai a ser un partido moi complicado. “Moita diferenza entre os planteles, aínda que queremos competirlles. Estamos obligadas a xogar a gran nivel, sen complexos, nin medos. Defendendo con moita intensidade, anticipación, con ataques largos e sen pérdidas de balón que faciliten seu contraataque”, engadía Sánchez.
As do Rubensa Porriño agora mesmo son décimas con 18 puntos e tócanlles enfrontarse a equipos que ocupan a parte alta da clasificación. “Buscamos mellorar o resultados da primeira volta —onde quedaron 26 a 35— e refrendar o crecementos individual e colectivo”, concluía o adestrador galego. Para esta cita non contará con Laura, Cristina e as catro xogadoras que comparten minutos na Liga Guerreras.
DATOS DE INTERESE
DÍA E HORA: 29 de febreiro, á 13.00 horas
CAMPO: Pavillón Municipal da Titerroy.
ÁRBITROS: Eric Deiros Borras e Jordi Pinilla Iglesias.
INCIDENCIAS: Partido correspondente a xornada 22 a División de Honra Prata no que enfrontará ao Balonmano San José Obrero Lanzarote contra o Rubensa Porriño no Pavillón Municipal da Titerroy.
Anxo Otero (Lavadores): “Mellorar e competir ata o final”
Viaxe a León. O rumbo do CdeC Lavadores este fin de semana (29 de febreiro, ás 17.30 horas). Aterra na pista do Rodríguez Cleba. As leonesas atópanse nos postos máis altos, no cuarto, da clasificación con 33 puntos. As galegas son novenas empatadas co Rubensa Porriño a 18 puntos.
“Partido moi duro, nunha das pistas máis complicadas da categoría e ante un dos equipos favoritos que está pelexando por meterse nos primeiros postos. Imos sen presión con gañas de facer un bo partido e seguir mellorando e competir ata o final e loitar pola vitoria”, comentaba Anxo Otero, adestrador do CdeC Lavadores, para As Nosas.
Seguen coas mesmas baixas a que engaden a de Arima López para esta cita. No partido da xornada nove, en Vigo, quedaron 24 a 35.
DATOS DE INTERESE
DÍA E HORA: 29 de febreiro, ás 17.30 horas.
CAMPO: Palacio Municipal dos Deportes.
ÁRBITROS: Tomás Fernández Merino e Omar Fagundez Pérez.
INCIDENCIAS: Partido correspondente a xornada 22 a División de Honra Prata no que enfrontará ao Rodríguez Cleba contra o CdeC Lavadores no Palacio Municipal dos Deportes.
O Carballal son as únicas que xogan na casa
As de Carballal volven a súa pista esta fin de semana (29 de febreiro, ás 19.00 horas). Reciben o sétimo da División de Honra Prata, o Lanzarote Zonzamas. Partido de rivalidade posto que ambos séguense moi de cerca na táboa.
As galegas chegan tras perder a xornada anterior tras unha racha de catro partidos consecutivos gañados con 24 puntos. As rivais levan tres derrotas e unha vitoria e suman os mesmos puntos. “É un encontro moi importante de cara a nova aspiración a quedar entre os cinco primeiros da táboa”, comentaba Javier Castro, o adestrador do Carballal, para As Nosas.
Na ida, as viguesas impuxéronse por tres goles de diferenza. Cun 23 a 26 no Pavillón Municipal de San Bartolome.
DATOS DE INTERESE
DÍA E HORA: 29 de febreiro, ás 19.00 horas
CAMPO: Pavillón Municipal de Carballal.
ÁRBITROS: Pablo Torreiro Barros e Marcos Pérez Outeda.
INCIDENCIAS: Partido correspondente a xornada 22 a División de Honra Prata no que enfrontará ao A.D. Carballal contra o Lanzarote Zónzamos no Pavillón Municipal de Carballal.
Elisardo González (Rodavigo): “Se temos acerto cara a portaría, estaremos dentro do partido”
O domingo (1 de marzo, ás 12.00 horas) e a comunidade veciña. As de Redondela enfróntanse ao Oviedo Balonmano Femenino. Pisarán a pintura do co-líder cunha racha imparable de catro vitorias consecutivas.
“O rival desta xornada está no seu mellor momento e cun dos mellores equipos desta liga. Ten unha gran defensa mou agresiva e non che deixan xogar cómodo. Será un partido complicado pero intentaremos competir como estamos a facer”, dicía Elisardo González, o adestrador do SAR Rodavigo, para As Nosas.
Na ida, non conseguiron que a vitoria quedara nada casa. Perderon por un 14 a 23. Para esta cita continúan coas baixas de Uxía e de Nerea. Esta última pérdese o que queda de tempada por unha rotura nos ligamentos. “Xogar os domingos despois de viaxar sempre é complicado, pero se temos acerto a portaría podemos estar no partido”, concluía o adestrador galego.
DATOS DE INTERESE
DÍA E HORA: 1 de marzo,ás 12.00 horas
CAMPO: Polideportivo Municipal Florida Arena.
ÁRBITROS: Yonatan Lázaro Villegas e David Portugal Alonso.
INCIDENCIAS: Partido correspondente a xornada 22 a División de Honra Prata no que enfrontará ao Oviedo Balonmano Femenino contra o SAR Rodavigo no Polideportivo Municipal Florida Arena.
